У Нацыянальнай бібліятэцы Беларусі (2-гі паверх, кальцавы калідор) з 28 чэрвеня да 31 жніўня ладзіцца тэматычная кніжная выстаўка, прымеркаваная да Дня Незалежнасці Рэспублікі Беларусь (3 ліпеня).
Напярэдадні рэспубліканскага свята Нацыянальная бібліятэка Беларусі прапануе сваім наведвальнікам выстаўку “Сучасная Беларусь”.
У прапанаваную экспазіцыю ўключаны выданні, што распавядаюць пра станаўленне беларускай дзяржаўнасці, сучасны стан развіцця краіны, дасягненні ў сацыяльна-эканамічнай, навуковай і культурнай сферах, знешнепалітычныя і знешнеэканамічныя сувязі. На выстаўцы знайшлі адлюстраванне лепшыя традыцыі беларускага народа, унікальныя прыродныя багацці краіны. Чытачы і наведвальнікі маюць магчымасць пазнаёміцца з самымі новымі кнігамі беларускіх выдавецтваў, якія пабачылі свет у апошнія тры гады.
Структура выстаўкі выглядае наступным чынам:
- раздзел “Краіна Беларусь”, які ўключае выданні па гісторыі краіны, грамадска-палітычную і сацыяльную літаратуру пра сучасны стан рэспублікі і шляхі яе далейшага развіцця;
- раздзел “Вобразы мілыя роднага краю” прысвечаны запаведным куточкам Беларусі, прыгажосці і багаццю яе прыроды, ахове навакольнага асяроддзя; прадстаўлены звесткі пра нацыянальныя паркі, запаведнікі і заказнікі;
- у заключнай частцы экспазіцыі “Сучасны партрэт культуры і мастацтва Беларусі” дэманструюцца кнігі пра культурна-гістарычную спадчыну, помнікі культавай архітэктуры, выдатныя мясціны нашай краіны; энцыклапедычныя даведнікі, фотаальбомы, буклеты, якія ствараюць яе прывабны імідж.
Выстаўка пазнавальная і актуальная для тых, хто цікавіцца развіццём і сучасным станам Беларусі, і разлічана на шырокую аўдыторыю.
Кантактны тэлефон: 293-28-86.
Увага! У чытальных залах арганізаваны доступ да поўных спісаў літаратуры, прадстаўленай на ўсіх кніжных выстаўках, якія ладзяцца ў бібліятэцы.
 |
 |
 |
 |
 |
 |
 |
 |
 |
