З 2 студзеня па 15 лютага ў зале беларускай літаратуры (пам. 205) праходзіць выстаўка “Замілаваны Палессем”, прысвечаная 70-годдзю беларускага празаіка і драматурга Георгія Васілевіча Марчука.
У кнігах пісьменніка адлюстраваны жыццё беларускай правінцыі, карціна свету землякоў-палешукоў з іх самабытным характарам, само Палессе, “царыца-рака” Гарынь. Творам пісьменніка ўласцівы псіхалагізм і філасафічнасць, спавядальнасць, дынамізм дзеяння.
Выданні, прадстаўленыя ў экспазіцыі, раскрываюць шматграннасць і жанравы дыяпазон творчасці Георгія Васілевіча. Гэта і п’есы “Пеўчыя 1941 года” (2014), камедыі “Вясёлыя, бедныя, багатыя” (1998), трагедыі “Менелай, Елена и Парис”, “Орест и Кассандра” (2003), раманы і апавяданні “Прызнанне ў забойстве” (1985), “Без ангелаў” (1993), “Кветкі правінцыі” (2004), “Крык на хутары” (2013), “Вочы і сон” (2015), “Сава Дым і яго жанчыны” (2016), навелы “Урсула” (2003), “Ласточки над Горынью” (2013), “Давид-Городокские каноны” (2015), афарызмы “Голас і слова” (2002), кінасцэнарыі “Письмо Феллини” (2009), дзённікі, эсэ і інш. Творы пісьменніка перакладзены на шэраг моў.
Піша Георгій Марчук і для дзяцей. На экспазіцыйных паліцах – казкі “Жылі-былі дзед Васільчык і баба Кацярына” (1987), “Дзікая груша” (2000), “Нестерка” (2010), “Доброе сердце: 50 сказок” (2012), “Приключения Агапки и кота Фокуса” (2015), казкі, п’есы, навелы “Чужое багацце” (2012), казкі-п’есы “Агапка, Арцёмка і злы Воўк” (2016) і інш.
Дапаўняюць выстаўку матэрыялы аб жыцці і творчасці юбіляра, літаратуразнаўчыя артыкулы, рэцэнзіі, інтэрв’ю з пісьменнікам.
Кантактны тэлефон: (8 017) 293 27 16.
 |
 |
 |
 |
 |
 |
