Наша літаратура багатая на яркія персанажы. З некаторымі з іх мы знаёмімся яшчэ ў школе. Прапануем вам тэст, які дапаможа праверыць, наколькі ўважлівымі вы былі на ўроках беларускай літаратуры.
Па цытатах з класічных твораў паспрабуйце здагадацца, пра якога героя ідзе гаворка. Праверыць сябе можна, клікнуўшы па карцінцы.26 кастрычніка 1870 года нарадзілася дачка мая. Апошняе, дваццатае, наша калена, адзінае маё дзіця. Жорсткі лёс, здымі з нас свой праклён, няхай загінуць толькі дзевятнаццаць пакаленняў. Злітуйся з гэтага маленькага камячка. Вазьмі мяне, калі гэта патрэбна, але няхай выжыве яна. Яна ж апошняя з роду. Упаваю на цябе.
Надзея Яноўская (Алена Дзімітрава)
б) Сташка Рэчыц, “Чорны замак Альшанскі” Уладзіміра Караткевіча
в) Анея, “Хрыстос прызямліўся ў Гародні” Уладзіміра Караткевіча
Падняў раптоўна вочы, бачыць – на паркане
Стаіць дзяўчына ў белым ранішнім убранні,
Якое стан яе ледзь да грудзей хавае,
А шыю лебедзя і рукі адсланяе.
Тадэвуш (Міхал Жаброўскі) і Зося (Аліцыя Бахледа)
б) Тадэвуш і Зося, “Пан Тадэвуш” Адама Міцкевіча
в) Васілёк і Галіна, “Ля вогнішч начлежных” Максіма Танка
Ён меў прыроджаную душу паэта, і хоць сам не пісаў ні прозай, ні вершам, але кожнае апавяданне пра разбойнікаў, герояў, пра чары і цуды надзвычай яго займала, і кожную ноч ён засынаў не іначай, як слухаючы чарадзейныя гісторыі.
Пан Завальня (Уладзімір Гасцюхін)
б) Пан Завальня, “Шляхціц Завальня, або Беларусь у фантастычных апавяданнях” Яна Баршчэўскага
в) Архіп Лінкевіч, “Роднае карэнне” Максіма Гарэцкага
Я часам бачу, як цень мой адлучыцца ад мяне і пойдзе сабе недзе далёка-далёка! Праз высокія горы ідзе, над быстрымі рэчкамі і шчырымі барамі плыве, а пасля ізноў ка мне вернецца і ходзіць за мною следам, як бы сочыць мяне. Тады на мяне страх нападае. Ох, баюся я гэтага свайго ценю, як відма якога з таго свету, баюся!
Зоська (Вольга Сірына)
б) Вера, “Хто смяецца апошнім” Кандрата Крапівы
в) Зоська, “Раскіданае гняздо” Янкі Купалы
Вы думаеце, што мне міла паняверыць кроў шляхецкую? Я ж сам шляхціц, вам родны, але што ж рабіць? Служба – не дружба. Законы, міленькія, законы!
Кручкоў (Віктар Манаеў)
б) Паніч, “Раскіданае гняздо” Янкі Купалы
в) Самахвальскі, “Несцерка” Віталя Вольскага
Новае месца, новыя людзі і тая работа ў школе, якую трэба было распачынаць на гэтых днях і да якой ён так доўга гатаваўся, – усё гэта займала яго думкі, і яму было лёгка і добра, бо так многа новага і цікавага спадзяваўся ён спаткаць на першай сваёй дарозе незалежнай грамадскай працы.
Лабановіч (Эдуард Ізотаў)
б) Свеціловіч, “Дзікае паляванне караля Стаха” Уладзіміра Караткевіча
в) Лабановіч, “На ростанях” Якуба Коласа
Глядзелі на яе, разважалі і – за малым выключэннем прыдзір з жанок – згаджаліся: выспела, нявеста, нічога не скажаш! Часам пры гэтых гаворках – асабліва жанкі – успаміналі яе маці-нябожчыцу, казалі, што дачка ва ўсім выйшла ў матку.
Ганна (Алена Барзова)
б) Ганна, “Людзі на балоце” Івана Мележа
в) Волечка, “Пошукі будучыні” Кузьмы Чорнага
Вы, напэўна, самі не раз наглядалі, як нашы свінні ахвотна валяюцца ў брудных лужынах. Гэта не што іншае, як цяга да тае самае стыхіі, у якой жылі іх даўнейшыя продкі. Я цалкам дапускаю, што ў гэтых продкаў маглі быць жабры…
Гарлахвацкі (Леанід Рахленка)
б) Туляга, “Хто смяецца апошнім” Кандрата Крапівы
в) Чарнавус, “Хто смяецца апошнім” Кандрата Крапівы
… з першай запалкай яе напаткала няўдача, дзверы не загарэліся, запалка атухла. Тады яна сцягнула з галавы хустку і выліла на яе з суляі рэштку газы, запаліла другую запалку, – хустка пыхнула барвовым полымем, і яна, абпякаючы рукі, кінула яе на парог.
Сцепаніда (Ніна Русланава)
б) Дзёмчыха, “Сотнікаў” Васіля Быкава
в) Сцепаніда, “Знак бяды” Васіля Быкава
Ён стаміўся. Тры гадзіны каля аперацыйнага стала. Дзве цяжкія аперацыі. Асабліва стаміла апошняя – на дзіцяці. Аперацыі на дзецях заўсёды стамлялі яго. Колькі год практыкі, слава лепшага хірурга вобласці,
а хваляваўся ён сёння, як студэнт.
Яраш (буктрэйлер да рамана)
б) Яраш, “Сэрца на далоні” Івана Шамякіна
в) Савіч, “Сэрца на далоні” Івана Шамякіна
У якасці ілюстрацый выкарыстаны кадры з экранізацый класікі беларускай літаратуры.
Тэст падрыхтаваны Ганнай Солушка і Янай Паляшчук, аддзел суправаджэння інтэрнэт-партала.