5 красавіка ў галерэі “Панарама” адбылося ўрачыстае адкрыццё фотавыстаўкі Віталя Раковіча “Cвятло беларускіх храмаў”.
Аўтар працуе ў стылі неафотаграфікі, дзе малюнак, зроблены пры дапамозе фотаапарата, з’яўляецца толькі асновай для наступнай працы і стварэння закончанага мастацкага твора.
Храмавае дойлідства – адна з вядучых тэм фотамастака. З 2005 г. па сённяшні дзень аўтар сабраў велізарную і ўнікальную калекцыю фотаздымкаў па храмавай архітэктуры Беларусі, якую і прадставіў на суд гледача. У экспазіцыю выстаўкі ўвайшло каля 80 здымкаў сакральнай архітэктуры.
У адкрыцці выстаўкі ўзялі ўдзел першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава; мастак, загадчык аддзела галерэйна-выставачнай дзейнасці Нацыянальнай бібліятэкі Беларусі Фёдар Ястраб; фотамастак, намеснік старшыні Беларускага грамадскага аб’яднання “Фотамастацтва” Іван Пятровіч; фотамастак, старшыня народнага фотаклуба “Мінск” Яўген Казюля; аўтар фотавыстаўкі “Cвятло беларускіх храмаў”, член Беларускага грамадскага аб’яднання “Фотамастацтва”, рады народнага фотаклуба “Мінск”, творчай групы “ФотаАртСтудыя «У Бірылкі... »” Віталь Раковіч.
Уваход на выстаўку платны, складае кошт наведвання агляднай пляцоўкі.
Кантактныя тэлефоны: (+375-17) 293-28-33, 293-27-66.
 |
 |
 |
 |
 |
 |
