21 красавіка 2009 года ў галерэі “Лабірынт” адбылося адкрыццё інтэрактыўнага мастацкага праекта “Сеанс-2”.
Гэты праект арганізаваны ў Нацыянальнай бібліятэцы Беларусі ўжо ў другі раз. У 2007 годзе ў “Сеансе” прынялі ўдзел 90 беларускіх і замежных мастакоў, якія экспанавалі жывапіс, графіку, фота, дэкаратыўнае мастацтва.
У праекце “Сеанс-2” работы прадставілі як новыя аўтары, так і тыя, з кім глядач ужо знаёмы па першым “Сеансе”. Гэта Андрэй Плясанаў, Фёдар Ястраб, Зоя Луцэвіч, Аксана Аракчэева, Барыс Аракчэеў, Ала Няхайчык, Святлана Каткова і інш.
Гасцей інтэрактыўнага вернісажу чакала мноства прыемных сюрпрызаў. Гледачы дапамагалі аўтарам ствараць калажы з садавіны. У ходзе мерапрыемства адбылася бясплатная латарэя і наведвальнікі атрымалі магчымасць выйграць творы мастацтва. Было разыграна 30 работ беларускіх мастакоў і фотамастакоў. Сярод іх – работа заслужанага дзеяча мастацтваў Рэспублікі Беларусь Барыса Аракчэева, работы Аляксандра Лубнеўскага, Віктара Данілава, Фёдара Ястраба. Адзін з удзельнікаў праекта Максім Малышаў прадэманстраваў перфоманс “Шэсць пачуццяў”. Удзельнік выстаўкі Юрый Падолін прадставіў да ўвагі гасцей майстар-клас па тэхніцы манатыпіі. У ходзе мерапрыемства наведвальнікі мелі магчымасць выпрабаваць сябе ў якасці мадэляў. Мастацтвазнавец Яўген Шумейка з групай мастакоў-графікаў (студэнтаў Акадэміі мастацтваў) выконваў партрэты жадаючых папазіраваць. Госці праекта сталі саўдзельнікамі нараджэння новых твораў мастацтва. Глядач і мастак мяняліся месцамі, актыўна супрацоўнічалі, тварылі.
Чытайце таксама:
Мастацкі праект “Сеанс”
 |
 |
 |
 |
 |
 |
