18 красавіка ў рамках выканання праграмы экалагічнай адукацыі і выхавання, Нацыянальную бібліятэку наведалі студэнты Беларускай дзяржаўнай акадэміі музыкі.
Яны азнаёміліся з тэматычнай кніжнай выставай “Вада – цудоўны дар прыроды”, прысвечанай Сусветнаму дню водных рэсурсаў.
Студэнты праслухалі кароткі аповед пра гісторыю ўзнікнення і правядзення Сусветнага дня вады, азнаёміліся з дакументамі, якія распавядаюць аб стане і выкарыстанні водных рэсурсаў свету, і з матэрыяламі пра палітыку нашай дзяржавы, урадаў іншых краін і міжнародных арганізацый, накіраванай на абарону і захаванне самага каштоўнага рэсурсу планеты.
З навучэнцамі таксама былі праведзены навучальныя заняткі па інфармацыйных рэсурсах аддзела абслугоўвання афіцыйнымі дакументамі, яны пазнаёміліся з падсобным фондам залы дакументаў міжнародных арганізацый (пам. 207g), а таксама з рэсурсамі віртуальнага цэнтра па дзейнасці міжнародных арганізацый “Адкрытая інфармацыя”.
Матэрыял пададзены аддзелам абслугоўвання афіцыйнымі дакументамі.