23 красавіка Нацыянальную бібліятэку Беларусі наведала дэлегацыя Пекінскага ўніверсітэта Кітайскай Народнай Рэспублікі.
Для гасцей правялі пазнавальную экскурсію па бібліятэцы і пазнаёмілі з гісторыяй “скарбніцы ведаў”, архітэктурнымі асаблівасцямі і мастацкім афармленнем будынка. Каб атрымаць асалоду ад прыгажосці наваколля і палюбавацца Мінскам з вышыні птушынага палёту, удзельнікі падняліся на аглядную пляцоўку бібліятэкі.
Наведванне Нацыянальнай бібліятэкі стала для дэлегацыі Пекінскага ўніверсітэта цікавым і пазнавальным вопытам, які дапаможа пашырыць веды аб культуры і гісторыі Беларусі.
Матэрыял пададзены аддзелам сувязей з грамадскасцю.
