14 снежня Генеральны консул Рэспублікі Беларусь у Стамбуле Аляксей Швед правёў сустрэчу з рэктарам Стамбульскага ўніверсітэта Махмутам Акам і дырэктарам універсітэцкай бібліятэкі Санай Тахмаз Каледжы.
У гутарцы беларускі дыпламат адзначыў, што сустрэча праходзіць у год юбілею Нацыянальнай бібліятэкі Беларусі, з якой найстарэйшы турэцкі ўніверсітэт ужо роўна тры гады звязваюць партнёрскія адносіны. Падзякаваў рэктару Стамбульскага ўніверсітэта за перададзеныя раней віншавальнае пасланне і падарунак з некалькіх каштоўных выданняў, якія адносяцца да эпохі султана Сулеймана I Цудоўнага.
Бакі абмеркавалі кірункі супрацоўніцтва на 2023 г.
Ва ўрачыстай абстаноўцы Аляксей Швед уручыў у дар Стамбульскаму ўніверсітэту калекцыю з 10 падарункавых выданняў аб Рэспубліцы Беларусь, падабраную Нацыянальнай бібліятэкай Беларусі.
Па матэрыялах сайта Міністэрства замежных спраў Рэспублікі Беларусь.
