21 чэрвеня дзіцячы пакой запрашае на творчыя заняткі “Мама, тата, я – здаровая сям’я”.
Хлопчыкам і дзяўчынкам прапануецца пабываць у ролі сапраўдных майстроў па вырабе арыгінальнай карціны “Мая сям’я”. Дзеці будуць выкарыстоўваць для аплікацыі пластылін, каляровую паперу і дэкаратыўныя элементы.
Наведвальнікаў чакаюць вершы, тэматычныя заданні, загадкі-падманкі, галаваломкі, для вырашэння якіх трэба праявіць веды і кемлівасць, а таксама вясёлыя гульні і спаборніцкія фізкультхвілінкі.
Запрашаюцца дзеці 5–10 гадоў.
Час правядзення мерапрыемства: 18.00–19.30.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.
