18 лістапада 2008 года ў Азербайджанскай Нацыянальнай бібліятэцы ім. М.Ф. Ахундава адбыўся Х Агульны сход некамерцыйнага партнёрства “Бібліятэчная Асамблея Еўразіі” (БАЕ).
У сходзе прынялі ўдзел дырэктара нацыянальных бібліятэк краін СНД (Беларусі, Казахстана, Кіргізіі, Расіі, Таджыкістана, Узбекістана, Украіны), а таксама прадстаўнікі іншых бібліятэк і арганізацый – членаў БАЕ.
Сярод 13 пытанняў, прысвечаных бягучай дзейнасці бібліятэк садружнасці, асноўная ўвага ў ходзе сходу была нададзена пытанням ўзаемадзеяння БАЕ з СНД, CENL і ІФЛА, развіцця заканадаўства і нарматыўна-прававой базы дзейнасці бібліятэк БАЕ, рэалізацыі сумесных праектаў ў галіне фарміравання і выкарыстання інфармацыйных рэсурсаў.
Па пытаннях аб распрацоўцы заканадаўчай і нарматыўна –прававой базы дзейнасці бібліятэк садружнасці і ўзаемадзеянні з міжнароднымі арганізацыямі сход прыняў наступныя рашэнні:
- Працягнуць супрацоўніцтва з СНД у межах сумеснай работы з Пастаяннай камісіяй Міжпарламенцкай Асамблеі дзяржаў-удзельніц Садружнасці Незалежных Дзяржаў (МПА СНД) па культуры, інфармацыі, турызму і спорту і Выканаўчым камітэтам Садружнасці Незалежных Дзяржаў (Выканкам СНД) у асобе аддзела па супрацоўніцтве ў галіне навукі, адукацыі і культуры.
- Адобрыць работу па стварэнні Мадэльнага бібліятэчнага кодэкса для дзяржаў-удзельніц СНД і рэкамендаваць яго для ўкаранення ў практыку работы бібліятэк садружнасці.
- Падтрымаць у цэлым Канцэпцыю фарміравання інфармацыйнай прасторы на базе прыгранічных бібліятэк дзяржаў-удзельніц СНД.
- Даручыць Нацыянальнай бібліятэцы краіны, міністр культуры якой старшынствуе ў Савеце па культурным супрацоўніцтве, выступіць каардынатарам узаемадзеяння БАЕ з дадзеным органам Выканкама СНД.
- Уключыць у план работы БАЕ на 2009 год распрацоўку падыходаў да збліжэння заканадаўства дзяржаў-удзельніц СНД, якое рэгламентуе архіўную і бібліятэчную справу; распрацоўку падыходаў да стварэння нарматыўна-прававой дакументацыі па ўліку электронных фондаў (рэсурсаў); удзел у распрацоўцы закона аб інтэлектуальнай уласнасці.
- Даручыць рускамоўнаму офісу ІФЛА пры РДБ каардынаваць работу бібліятэк садружнасці па супрацоўніцтве з ІФЛА, падрыхтоўцы рэгіянальнай сустрэчы бібліятэкараў СНД на канферэнцыі ІФЛА ў Мілане, вылучэнні кандыдатаў у пастаянныя камітэты ІФЛА.
- Нацыянальным бібліятэкам садружнасці ў месячны тэрмін прадставіць у рускамоўны офіс ІФЛА прапановы па вылучэнні кандыдатаў ад БАЕ ў кіруючыя органы ІФЛА.
Разгледзеўшы вынікі работы па рэалізацыі сумесных праектаў у галіне фарміравання і выкарыстання інфармацыйных рэсурсаў, у тым ліку фарміравання бібліяграфічнай базы даных “Выданні нацыянальных бібліятэк”, праграмы “Інфармкультура-плюс”, праграмы “Музычна-бібліятэчная садружнасць нацыянальных бібліятэк”, сход прыняў наступныя рашэнні:
- Інфармацыю пра ход рэалізацыі праектаў прыняць да ведама.
- Членам БАЕ прымаць актыўны ўдзел у штогадовым папаўненні базы даных “Выданні нацыянальных бібліятэк”.
- Даручыць ініцыятарам праграмы - НДЦ Інфармкультура РДБ – дапрацаваць праект і прадставіць яго зместавае, тэхналагічнае і эканамічнае абгрунтаванне.
Сходам таксама былі разгледжаны прапановы па новых праектах: электронная бібліятэка дзяржаў-удзельніц СНД “Купалы садружнасці”, “Статыстычныя паказчыкі і крытэрыі эфектыўнасці дзейнасці нацыянальных бібліятэк”, фестываль культур краін ЕўрАзЭС.
У ходзе разгляду гэтых пытанняў сходам былі прынятыя наступныя рашэнні:
- Хадайнічаць перад Саветам па культурным супрацоўніцтве СНД пра адабрэнне праекта па стварэнні электроннай бібліятэкі дзяржаў-удзельніц СНД “Купалы садружнасці” і ўключэнні яго ў план работы на 2009 г.
- Рускамоўнаму офісу ІФЛА абмеркаваць з нацыянальнымі бібліятэкамі садружнасці прапановы праекта “Статыстычныя паказчыкі і крытэрыі эфектыўнасці дзейнасці нацыянальных бібліятэк” і ўнесці іх на разгляд наступнага сходу БАЕ.
- Прадстаўнікам нацыянальных бібліятэк увайсці ў склад нацыянальных дэлегацый і прыняць удзел у фестывалі культур краін ЕўрАзЭС, які адбудзецца ў Мінску ў маі 2009 г.
Па пытанні аб дзейнасці часопіса “Веснік Бібліятэчнай Асамблеі Еўразіі” прынятыя наступныя рашэнні:
- Справаздачу пра дзейнасць часопіса “Веснік Бібліятэчнай Асамблеі Еўразіі”прыняць да ведама.
- Стварыць Міжнародны рэдакцыйны савет з дырэктараў нацыянальных бібліятэк СНД, кіраўнікоў бібліятэчных асацыяцый.
- Зацвердзіць (у рабочым парадку) склад карэспандэнтаў часопіса або адказных за арганізацыю матэрыялаў у кожнай з краін-удзельніц БАЕ.
- Прыняць рашэнне аб тым, каб формай аўтарскага ганарару лічыліся 1-5 экземпляраў часопіса з публікацыяй аўтара.
- Прасіць аўтараў прадстаўляць анатацыю на англійскай мове.
- Рэкамендаваць членам БАЕ падтрымаць часопіс шляхам падпіскі і распаўсюджвання.
Сход таксама разгледзеў пытанні фінансава-гаспадарчай дзейнасці БАЕ.
Наступны сход БАЕ вырашана правесці ў межах юбілею Кыргызскай Нацыянальнай бібліятэкі 27 – 28 мая 2009 года ў Бішкеку.