У сувязі са святкаваннем Міжнароднага дня сям’і і Сусветнага дня дзіцяці сярод супрацоўнікаў Нацыянальнай бібліятэкі Беларусі быў праведзены фотаконкурс “Маё СОНЕЙКА”.
Яго мэтай было фарміраванне станоўчага вобраза інстытута сям’і і сямейных адносін у супрацоўнікаў бібліятэкі. У якасці адказных за арганізацыю і правядзенне конкурсу выступілі пярвічныя арганізацыі ГА “БРСМ” і прафсаюза.
Фотаконкурс вельмі зацікавіў супрацоўнікаў бібліятэкі. На ім было прадстаўлена больш за 150 работ, размеркаваных па 13 намінацыях. Пераможцы конкурсу вызначыліся шляхам галасавання, у працэсе якога было выкарыстана больш за 2 тыс. бюлетэняў.