12 мая 2008 года ў Нацыянальнай бібліятэцы Беларусі адбылося пасяджэнне круглага стала «Актуальные вопросы трансфера технологий. Информационное обеспечение инновационной деятельности. Государственно-частное партнерство», праведзенага ў рамках міжнародных выставачных мерапрыемстваў «Белорусский промышленный форум-2008».
Арганізатарамі выступілі Рэспубліканскі цэнтр трансферу тэхналогій, Нацыянальная бібліятэка Беларусі, СНА «Конфедерация промышленников и предпринимателей», АТ «Минский столичный союз предпринимателей и работодателей», Рэспубліканская асацыяцыя прадпрыемстваў прамысловасці «БелАПП», выставачнае прадпрыемства «Экспофорум».
Мерапрыемства было праведзена пры падтрымцы Дзяржаўнага камітэта па навуцы і тэхналогіях Рэспублікі Беларусь, Нацыянальнай акадэміі навук Беларусі, Праграмы развіцця ААН у Беларусі.
На круглым стале былі абмеркаваны пытанні стварэння спрыяльнага інстытуцыйна-прававога асяроддзя, развіцця механізмаў матывацыі стымулявання трансферу тэхналогій, інфармацыйнага забеспячэння інавацыйнай дзейнасці, развіцця фінансавай інфраструктуры і венчурнага інвеставання, развіцця інавацыйнага прадпрымальніцтва і шматлікія іншыя пытанні.
У мерапрыемстве прынялі ўдзел больш за 50 прадстаўнікоў інавацыйнай інфраструктуры, органы дзяржаўнага кіравання, міністэрстваў і ведамстваў, кіраўнікі, заснавальнікі, вядучыя спецыялісты прадпрыемстваў усіх формаў уласнасці, вядучыя навукоўцы, прадстаўнікі Нацыянальнай акадэміі навук Беларусі і вышэйшых навучальных устаноў.
 |
 |
