29 лютага ў галерэі “Лабірынт” Нацыянальнай бібліятэкі Беларусі адбылося ўрачыстае адкрыццё мастацкай выстаўкі “Кветкавы рай V”.
З прывітальным словам выступіў дырэктар Нацыянальнай бібліятэкі Беларусі Раман Матульскі. У мерапрыемстве ўзялі ўдзел мастак, загадчык аддзела галерэйна-выставачнай дзейнасці бібліятэкі Фёдар Ястраб, намеснік дырэктара па навуковай і інавацыйнай рабоце Цэнтральнага батанічнага сада, кандыдат біялагічных навук Іван Валадзько, мастак, фларыст Святлана Швайбовіч, жывапісец Віктар Данілаў.
Правядзенне выстаўкі “Кветкавы рай” стала ўжо добрай традыцыяй. Сёлета праект пашырыў свае межы. Яго ўдзельнікамі сталі не толькі жывапісцы, графікі, фотамастакі і творцы дэкаратыўна-прыкладнога мастацтва, але і члены грамадскага аб’яднання “Беларускі саюз фларыстаў”, якія прадставілі эксперыментальныя кампазіцыі з разнастайных матэрыялаў.
 |
 |
 |
 |
 |
 |
