11–12 лістапада ў Расійскай нацыянальнай бібліятэцы прайшла VIII Міжнародная навукова-практычная канферэнцыя “Забеспячэнне захаванасці бібліятэчных фондаў: навука і практыка”.
У рамках канферэнцыі спецыялісты з розных краін у анлайн-рэжыме абмеркавалі актуальныя пытанні забеспячэння захаванасці бібліятэчных архіўных і музейных дакументаў, падзяліліся вопытам навуковых даследаванняў, практычнай рэстаўрацыі і рэалізацыі навучальных праграм па пытаннях забеспячэння захаванасці бібліятэчных фондаў, акрэслілі шляхі далейшага супрацоўніцтва.
Ад Нацыянальнай бібліятэкі Беларусі ў мерапрыемстве ўзяла ўдзел загадчыца аддзела рэстаўрацыі і кансервацыі бібліятэчных дакументаў Дзіяна Муратава з дакладам “Роля рэстаўратара ў алічбоўцы бібліятэчных дакументаў”. Удзельнікі канферэнцыі азнаёміліся з вопытам Нацыянальнай бібліятэкі Беларусі па арганізацыі кансервацыйных мерапрыемстваў для дакументаў, якія праходзяць алічбоўку.
Матэрыял пададзены аддзелам рэстаўрацыі і кансервацыі бібліятэчных дакументаў.