У сакавіку 2008 года Нацыянальная бібліятэка Беларусі стала членам Міжнароднай Федэрацыі бібліятэчных асацыяцый і ўстаноў (International Federation of Library Associations and Institutions, IFLA).
IFLA - міжнародная, незалежная, няўрадавая арганізацыя, што прадстаўляе інтарэсы бібліятэчных, інфармацыйных арганізацый і іх карыстальнікаў. Мэтай IFLA з'яўляецца садзейнічанне міжнароднаму супрацоўніцтву і развіццю ва ўсіх сферах бібліятэчнай дзейнасці, падтрымка даследаванняў у гэтай галіне і прадстаўленне атрыманых звестак бібліятэчнай супольнасці.
Заснаваная ў Эдынбургу, на першай Устаноўчай канферэнцыі ў 1927 годзе, на сённяшні дзень IFLA мае ў сваім складзе 1700 членаў з 150 краін, большасць з якіх - гэта нацыянальныя і універсітэцкія бібліятэкі, бібліяграфічныя і даследчыя інстытуты, бібліятэчныя асацыяцыі. Усе члены IFLA маюць магчымасць сустракацца падчас правядзення штогодняга Кангрэса. Сёлета дырэктар Нацыянальнай бібліятэкі Беларусі Р.С. Матульскі прыме ўдзел у Сусветным бібліятэчным і інфармацыйным Кангрэсе, 74-ай Генеральнай Канферэнцыі IFLA ««Навстречу глобальному взаимопониманию», які будзе праходзіць у Квебеку, Канада 10-14 жніўня.