ГалоўнаяНавіныНавіны Нацыянальнай бібліятэкі Беларусі
Паспець усё: агляд цікавых кніг да Новага года
Беларусь мая сінявокая: падведзены вынікі першага Года малой радзімы

Пра лёсы дзяржаўнасці ў фармаце адкрытага дыялогу

Пра лёсы дзяржаўнасці ў фармаце адкрытага дыялогу
Іншыя навіны

19 снежня ў бібліятэцы адбыўся адкрыты дыялог “Станаўленне і развіццё беларускай дзяржаўнасці”, прысвечаны 100-годдзю з дня ўтварэння Беларускай Савецкай Сацыялістычнай Рэспублікі (БССР).

Арганізатары – Нацыянальная бібліятэка Беларусі і Цэнтральны камітэт грамадскага аб'яднання “Беларускі рэспубліканскі саюз моладзі” (БРСМ).

Цэнтральнай падзеяй мерапрыемства стала прэзентацыя першай кнігі пяцітомніка “Гістарычныя лёсы беларускай савецкай дзяржаўнасці”, якая выйдзе ў свет у выдавецкім доме “Беларуская навука”. Аўтарскі калектыў – вучоныя-гісторыкі Нацыянальнай акадэміі навук Беларусі і шэрагу вышэйшых навучальных устаноў.

На мерапрыемстве выступіў намеснік дырэктара Нацыянальнай бібліятэкі Беларусі Аляксандр Суша. Ён адзначыў важнасць юбілею БССР у кантэксце гісторыі Беларусі і распавёў пра экспазіцыю, якую падрыхтавала галоўная бібліятэка краіны да 100-годдзя БССР. Выстаўка “«Маніхвэст» Рэспублікі” прадставіць унікальныя дакументы, на старонках якіх адлюстраваны лёсавызначальныя дзяржаўныя падзеі ў гісторыі нашай краіны.

“Адкрыты дыялог” – праект БРСМ, які ўяўляе сабой шырокую дыскусійную пляцоўку для моладзі. Юныя актывісты задавалі вострыя пытанні на тэму беларускай дзяржаўнасці. Адказ перад моладдзю трымалі прадстаўнікі органаў улады, палітыкі, прадпрымальнікі, грамадскія дзеячы.

Для ўдзельнікаў адкрытага дыялогу была падрыхтавана выстаўка матэрыялаў з фондаў Нацыянальнай бібліятэкі. Экспазіцыя прадставіла навуковыя і навукова-папулярныя выданні, манаграфіі і калектыўныя працы, асобныя артыкулы і карты, якія раскрываюць перадумовы і фактары абвяшчэння 1 студзеня 1919 года Беларускай Савецкай Сацыялістычнай Рэспублікі.

Матэрыял прадастаўлены аддзелам сувязеў з грамадскасцю.

Навіны

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Бібліятэкарам
111