ГалоўнаяНавіныНавіны Нацыянальнай бібліятэкі Беларусі
У Маскве адкрылася выстаўка “Сімяон, сын Полацка”
Песні каляднага перыяду на беларускім Палессі

“Школа даследчыка” навучыць, дзе і як шукаць літаратуру

“Школа даследчыка” навучыць, дзе і як шукаць літаратуру
Іншыя навіны

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

У такой разнастайнасці рэсурсаў можна знайсці навуковую інфармацыю для любой тэмы даследавання – пры ўмове, што вы ведаеце, як гэта рабіць. Для работы неабходны веданне асноў інфармацыйнага пошуку і пэўныя навыкі. Атрымаць іх можна на занятках “Школы даследчыка”, якія бясплатна праводзяць для арганізаваных груп (часцей за ўсё студэнтаў мінскіх ВНУ) супрацоўнікі Нацыянальнай бібліятэкі.

Да прыкладу, на працягу кастрычніка – снежня 2019 года спецыялісты аддзела даведачна-інфармацыйнага абслугоўвання правялі шэраг практычных заняткаў па асновах пошуку ў базах даных для студэнтаў 1–2-га курсаў факультэта культуралогіі і сацыякультурнай дзейнасці Беларускага дзяржаўнага ўніверсітэта культуры і мастацтваў. На трэнінгах будучыя культуролагі атрымалі характарыстыку электронных інфармацыйных рэсурсаў, не толькі азнаёміліся з методыкай пошуку і асаблівасцямі фармулёўкі запытаў, але і змаглі замацаваць матэрыял на практыцы, ажыццявіўшы пошук на канкрэтных прыкладах з галіны культуралогіі.

Атрыманыя веды дазволяць студэнтам лёгка арыентавацца ў разнастайнасці рэсурсаў, а таксама выкарыстоўваць набытыя навыкі ў вучэбнай дзейнасці пры пошуку літаратуры для самастойных, кантрольных, курсавых, дыпломных і іншых навуковых прац.

Запрашаем усіх зацікаўленых на групавыя бясплатныя заняткі “Школы даследчыка”. Па дамоўленасці магчыма правядзенне выязных заняткаў на тэрыторыі навучальных устаноў.

Тэлефоны для даведак: (8 017) 293 27 39, (8 017) 293 27 40.

Матэрыял прадастаўлены аддзелам даведачна-інфармацыйнага абслугоўвання.

Навіны

Заняткі на выставе “Энцыклапедыя. Нацыянальны праект”

17 Сту 2020

26 студзеня ў межах пасяджэнняў “Клуба кніжных прафесараў” адбудуцца ўнікальныя заняткі на выставе “Энцыклапедыя. Нацыянальны праект” з куратарам выставы Ксеніяй Сушай.

Навіны Нацыянальнай бібліятэкі Беларусі

У бібліятэцы адзначылі Дзень літаб’яднання «Маладняк»

16 Сту 2020

16 студзеня ў рамках Дня літаб’яднання «Маладняк» у бібліятэцы прайшоў круглы стол «Маладнякоўскімі крокамі», святочная імпрэза і адкрыццё выстаўкі ў музеі кнігі, на якой упершыню ў адной экспазіцыі прадстаўлена спадчына маладнякоўцаў.

Навіны Нацыянальнай бібліятэкі Беларусі

Да 70-годдзя з дня нараджэння Тамары Аксёнавай

15 Сту 2020

15 студзеня 2020 г. спаўняецца 70 гадоў з дня нараджэння Тамары Уладзіміраўны Аксёнавай, ветэрана Нацыянальнай бібліятэкі Беларусі, высокакваліфікаванага спецыяліста ў галіне бібліятэчнай і бібліяграфічнай дзейнасці, дасведчанага кіраўніка, здольнага арганізатара і актыўнага грамадскага дзеяча.

Партрэты: гісторыя бібліятэкі ў асобах

Глядзіце, які ролік выйшаў пра бібліятэку!

17 Сту 2020

Зоркі шоу-бізнесу Андрэй Бонд і Вольга Нікіфарава пабывалі ў Нацыянальнай бібліятэцы Беларусі і былі ўражаны ўсімі магчымасцямі, якія даступны нашым чытачам. Што ўдалося даведацца – глядзіце ў новым роліку.

Навіны Нацыянальнай бібліятэкі Беларусі

Лепшы падарунак – экскурсія

14 Сту 2020

Навагоднія святы – час цудаў і прыемных сюрпрызаў, калі кожны імкнецца падзяліцца радасцю і душэўным цяплом з блізкім. Нацыянальная бібліятэка Беларусі традыцыйна праводзіць дабрачынныя экскурсіі і іншыя сацыякультурныя мерапрыемствы.

Навіны Нацыянальнай бібліятэкі Беларусі

111