Супрацоўнікі Нацыянальнай бібліятэкі Беларусі (НББ) сталі лаўрэатамі адкрытага раённага фотаконкурсу “Мой Першамайскі”.
Конкурс, арганізаваны ўпраўленнем ідэалагічнай работы, культуры і па справах моладзі адміністрацыі Першамайскага раёна г. Мінска, праходзіў у верасні-лістападзе 2014 года.
Урачыстая цырымонія ўзнагароджання пераможцаў фотаконкурсу адбылася 4 снежня ў аранжарэі трапічных раслін Цэнтральнага батанічнага саду НАН Беларусі. Лаўрэатам былі ўручаны граматы і памятныя прызы.
З гонарам адзначаем нашых пераможцаў: Юлію Твердахлебаву, загадчыцу сектара аддзела бібліятэчна-інфармацыйных тэхналогій, якая заняла II месца ў намінацыі “Асенні Першамайскі”, і Ганну Юхнавец, вядучага метадыста аддзела галерэйна-выставачнай дзейнасці, што заняла II месца ў намінацыі “Спыніся, імгненне...”.
Ганарымся майстэрствам і творчай актыўнасцю нашых калег!
 |
 |
 |
