27 студзеня а 11-й гадзіне ў галерэі “Ракурс” адбудзецца літаратурна-творчая сустрэча ў рамках адкрыцця кніжна-ілюстрацыйнай выстаўкі “Вялікі талент, вялікая праца, вялікае сэрца”.
Выстаўка прысвечана лаўрэатам прэміі “За духоўнае адраджэнне” і спецыыяльнай прэміі Прэзідэнта Рэспублікі Беларусь дзеячам культуры і мастацтва 2010 года.
Прэмія “За духоўнае адраджэнне” і спецыяльныя прэміі Прэзідэнта Рэспублікі Беларусь дзеячам культуры і мастацтва прысуджаюцца штогод за выдатныя творы літаратуры і мастацтва, актыўную падзвіжніцкую дзейнасць у гуманітарнай галіне, накіраваную на развіццё і ўмацаванне духоўных каштоўнасцей.Нацыянальная бібліятэка Беларусі традыцыйна арганізавала выстаўку матэрыялаў са сваіх калекцый, прысвечаную лаўрэатам, якія ўласным мастацтвам і плённай працай славяць нашу краіну. У экспазіцыю ўвайшлі кнігі, выяўленчыя матэрыялы (плакаты, фота, паштоўкі), ноты, перыядычныя і электронныя выданні.
Госці мерапрыемства змогуць пазнаёміцца з лаўрэатамі 2010 года і даведацца пра іх дзейнасць, праекты, планы, дасягненні. Калектывы, адзначаныя кіраўніком дзяржавы, прадэманструюць сваю творчасць.
Кніжна-ілюстрацыйная выстаўка “Вялікі талент, вялікая праца, вялікае сэрца” будзе працаваць да 27 лютага ў кальцавым калідоры 3-га паверха Нацыянальнай бібліятэкі Беларусі.
Тэлефон для даведак: 293-27-67.
Е-mail: pr@nlb.by