22 студзеня ў музеі кнігі адбылася сустрэча юных сяброў бібліятэкі з вядомай дзіцячай пісьменніцай Надзеяй Ясмінска і знаёмства з яе кнігай “Чароўныя ніткі пані Яніны”.
Надзея Ясмінска распавяла дзецям цікавую гісторыю аб падзеях, якія адбываліся на Зарэчнай вуліцы. Усё пачалося з чароўных нітак, з дапамогай якіх пані Яніна робіць адзенне для жывёл. І калі аднойчы на вуліцы з’явіўся Чмут, які падманам вырашыў займець шкуры звяроў, там сталі адбывацца дзіўныя рэчы.
Дзецям вельмі спадабаліся творчыя заданні: адгадваць па знешнім выглядзе поўсць жывёл, якім яна належыць, і лавіць загадкавага Каракуля.
А самым цікавым стала чытанне кнігі аўтарам – адразу захацелася даведацца пра завяршэнне прыгод Алеся і Алесі. Але інтрыга да канца раскрытая не была, таму развязку гісторыі трэба шукаць на старонках кнігі “Чароўныя ніткі пані Яніны”.
Матэрыял пададзены навукова-даследчым аддзелам кнігазнаўства.
