ГалоўнаяНавіныВіртуальныя выстаўкі
Буквар – слова беларускае
Сустрэча з пісьменніцай Надзеяй Ясмінска

Запрашаем наведаць “Парыжскі «Вулей»”

Запрашаем наведаць “Парыжскі «Вулей»”
Іншыя навіны

Парыжская школа – унікальны феномен у гісторыі мастацтва ХХ стагоддзя, які аб’ядноўвае творчасць выбітных майстроў з розных краін. Сёння іх імёны вядомыя ва ўсім свеце: Пабла Пікасо, Амедэа Мадыльяні, Фернан Лежэ, Васіль Кандзінскі… Сярод іх пачэснае месца займаюць нашы землякі, ураджэнцы Беларусі.

Пазнаёміцца з творчасцю жывапісцаў і скульптараў, прадстаўнікоў Парыжскай школы, запрашае пастаянна дзеючая віртуальная выстаўка “Парыжскі «Вулей»: сусветна вядомыя мастакі з Беларусі”. У экспазіцыі прадстаўлены матэрыялы як пра знакамітых Марка Шагала, Хаіма Суціна, Надзю Лежэ, так і пра пакуль малавядомых на радзіме творцаў, сярод якіх Роберт Генін, Восіп Цадкін, Пінхус Крэмень, Міхаіл Кікоін, Восіп Любіч, Файбіш-Шрага Царфін. Галерэя найбольш значных твораў майстроў, фотаздымкі, літаратура з фондаў Нацыянальнай бібліятэкі, а таксама цікавыя факты, цытаты, успаміны і выказванні сучаснікаў, сяброў, жыхароў знакамітага будынка “Вулей” даюць магчымасць уявіць, якімі таленавітымі творцамі і неардынарнымі асобамі яны былі.

Спадзяёмся, што карыстальнікі адкрыюць для сябе новыя імёны, а таксама знойдуць мастака, творчасць якога прыйдзецца ім даспадобы і надоўга застанецца ў памяці.

З віртуальнай выстаўкай можна азнаёміцца на беларускай старонцы партала. Хутка чакайце і рускую версію.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Навіны

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

25 Май 2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Да 100-годдзя Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Бібліятэкарам