З 23 па 26 красавіка Нацыянальная бібліятэка Беларусі возьме ўдзел у XX Міжнароднай спецыялізаванай выстаўцы і кангрэсе па тэлекамунікацыях, інфармацыйных і банкаўскіх тэхналогіях “ТІБО”
“ТІБО” традыцыйна прыцягвае ўвагу кіруючых беларускіх і сусветных вытворцаў абсталявання і тэхналогій і з’яўляецца адной з самых буйных выставак па гэтай тэматыцы ў краінах СНД і Балтыі. Сваю прадукцыю прадставяць прадпрыемствы і арганізацыі з розных краін. Сярод іх – найбуйнейшыя прадпрыемствы Беларусі, замежныя кампаніі, зацікаўленыя ў з’яўленні сваёй прадукцыі на беларускім рынку.
Нацыянальная бібліятэка Беларусі прадставіць свае інфармацыйныя рэсурсы і паслугі – інтэрнэт-партал Нацыянальнай бібліятэкі Беларусі; базы даных уласнай генерацыі “Беларусь у асобах і падзеях”, “Бібліятэкі Рэспублікі Беларусь і замежных краін”, “Электронны архіў нацыянальнай перыёдыкі”, “Электронная бібліятэка дысертацый і аўтарэфератаў дысертацый Нацыянальнай бібліятэкі Беларусі”; віртуальны цэнтр прававой інфармацыі; віртуальны цэнтр па дзейнасці міжнародных арганізацый “Адкрытая інфармацыя”; віртуальная даведачная служба “Спытай бібліятэкара”; віртуальная чытальная зала; электронныя выданні бібліятэкі; інфармацыйныя тэхналогіі для карыстальнікаў з парушэннем зроку; служба электроннай дастаўкі дакументаў; рэклама на будынку бібліятэкі і інш.
Таксама наведвальнікі змогуць азнаёміцца з выдавецкай, паліграфічнай і рэкламнай дзейнасцю Нацыянальнай бібліятэкі Беларусі.
Па маштабе экспазіцый, складзе ўдзельнікаў, колькасці наведвальнікаў і ўвазе з боку СМІ форум “ТІБО” па-ранейшаму з’яўляецца лідарам сярод выставачных мерапрыемстваў у Рэспубліцы Беларусь. Выстаўка разлічана на шырокі круг зацікаўленых асоб, як прафесіяналаў, так і радавых наведвальнікаў.
Чытайце таксама:
- Нацыянальная бібліятэка Беларусі на “ТІБО-2012”
- I месца ў конкурсе “ТІБО-2011” на лепшы інтэрнэт-рэсурс
- Нацыянальная бібліятэка Беларусі на “ТІБО-2011”
- Нацыянальная бібліятэка Беларусі на “ТІБО-2010”
- I месца ў конкурсе “ТІБО-2009” на лепшы інтэрнэт-рэсурс
- Нацыянальная бібліятэка Беларусі на “ТІБО-2009”
- Нацыянальная бібліятэка Беларусі на “ТІБО-2008”
- Национальная библиотека Беларуси на “ТИБО-2007”