8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.
Захапляльны сюжэт чарадзейнай казкі выклікаў непадробную цікавасць у дзяцей. Пераўвасобіўшыся ў чараўнікоў, юныя ўдзельнікі правялі ўласнае расследаванне, пагуляўшы ў цікавую гульню “Чараўнік склаў у чамадан...”, а затым намалявалі маяк і шчыра загадалі жаданне.
На прадстаўленай у дзіцячым пакоі выставе дзеці ўбачылі і іншыя кнігі Надзеі Ясмінска. Заняткі атрымаліся вясёлымі і пазнавальнымі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.