ГалоўнаяНавіныНавіны Нацыянальнай бібліятэкі Беларусі
У бібліятэцы адкрыліся XXVII Міжнародныя Кірыла-Мяфодзіеўскія чытанні (+відэа)
Гісторыі пішуць экслібрысы

Цікавы экспанат: пагаворым аб партбукеце

Цікавы экспанат: пагаворым аб партбукеце
Іншыя навіны

Нацыянальная бібліятэка знаёміць са зместам унікальнага праекта “Бляск убораў і таямніцы флірту” і запускае цыкл матэрыялаў аб модзе і аксесуарах мінулых стагоддзяў. Мы раскажам аб гісторыі і цікавых фактах, якія тычацца прадстаўленых на выставе экспанатаў. Такім чынам, пачынаем!

У наш час далёка не кожны можа адказаць на пытанне, што такое партбукет (фр. porte-bouquet; англ. posy holder, tussie-mussie). Але яшчэ 200 гадоў таму гэтай вытанчанай штучкай валодала кожная дама вышэйшага свету…

Яна ўвайшла ў моду ў Францыі часоў Людовіка XIV. Аднак асаблівую папулярнасць модны арыстакратычны аксесуар набыў у эпоху рамантызму ў XIX стагоддзі і ажно да пачатку Першай сусветнай вайны. Раскошныя ўборы тых гадоў упрыгожваліся не толькі прыгожымі карункамі і вытанчанымі тканінамі, але нават жывымі кветкамі.

Конусападобныя партбукеты прышпільвалі да ўбораў, устаўлялі ў прычоску або элегантна трымалі ў руках. У маленькія бутэлечкі налівалі ваду або змяшчалі кавалачак губкі, каб кветкі доўга захоўвалі свежасць і водар.

Самі партбукеты ўяўлялі сабой сапраўдныя творы мастацтва. Іх шчодра дэкарыравалі золатам, срэбрам, эмаллю і каштоўнымі камянямі, а самі вазы ў форме конусу або рога маглі быць зроблены нават з косткі або перламутру.

У той час строгі этыкет не дазваляў дамам адкрыта праяўляць сваю цікавасць. Таму бальны аксесуар стаў сапраўдным сімвалам флірту. Напрыклад, у некаторыя партбукеты ўстаўлялі невялікія люстэркі, гэтак жа, як і ў бальныя вееры. У іх можна было непрыкметна для іншых разглядаць улюбёнага кавалера. З дапамогай кветак спазнавалі мастацтва флірту: прызнаваліся ў каханні, прызначалі спатканні, прымалі або адхілялі заляцанні. Значэнне мела ўсё: колер, форма кветкі (бутон або кветка, якая ўжо распусцілася), з лісцем ці не, для ружы мела значэнне наяўнасць або адсутнасць калючак. Звярталі ўвагу і на месцазнаходжанне букета –ля сэрца, на таліі, у левай ці правай руцэ…

Сёння партбукеты – не толькі рэдкія музейныя экспанаты, але і жаданыя аб’екты калекцыяніравання. Гэтыя эксклюзіўныя штучкі модніц, а таксама больш за 300 іншых прадметаў мінулых эпох вы можаце ўбачыць на выставе “Бляск убораў і таямніцы флірту”.


Рэжым работы выстаўкі адпавядае рэжыму работы бібліятэкі.

Кошт наведвання выставы:

Для дарослых – 10 бел. руб.
Навучэнцы сярэдніх, сярэдніх спецыяльных і вышэйшых навучальных устаноў – 5 бел. руб.
Сямейны білет: група з двух дарослых і аднаго дзіцяці да 16 гадоў – 21 бел. руб, група з двух дарослых і двух дзяцей да 16 гадоў – 24 бел. руб.

Матэрыял падрыхтаваны аддзелам сувязей з грамадскасцю.

Навіны

Лекцыя-канцэрт “Анталогія нацыянальнай харавой спадчыны”

26 Кра 2024

25 красавіка ў галерэі “Лабірынт” адбылася заключная ў сезоне 2023–2024 гг. інтэрактыўная лекцыя-канцэрт з цыкла “Музычная спадчына Беларусі ў прасторы сучаснай культуры”.

Навіны Нацыянальнай бібліятэкі Беларусі

Небывалы аншлаг васьмікласнікаў СШ № 62 г. Мінска ў зоне каталогаў і картатэк

26 Кра 2024

23 красавіка для навучэнцаў 8 класа СШ № 62 адбыўся бібліяграфічны ўрок "Брэсцкая крэпасць-герой" з цыкла заняткаў "Пастараемся ж і мы быць дастойнымі іх Вялікай Перамогі", якія рэалізуюцца Нацыянальнай бібліятэкай Беларусі да 80-годдзя Вялікай Перамогі сумесна з упраўленнямі па адукацыі. Мінска.

Навіны Нацыянальнай бібліятэкі Беларусі

Сны aб Беларусі ў Нацыянальнай бібліятэцы

25 Кра 2024

25 красавіка ў бібліятэцы адбылoся адкрыццё выстаўкі “Сны аб Беларусі”, прымеркаванай да 80-годдзя вызвалення Беларусі ад нямецка-фашысцкіх захопнікаў і 85-годдзя з дня нараджэння Васіля Шаранговіча.

Навіны Нацыянальнай бібліятэкі Беларусі

Майстры беларускай культуры. Уладзімір Саўчык

25 Кра 2024

Культурна-асветніцкая акцыя “Майстры беларускай культуры. Уладзімір Саўчык”, якая прайшла 23 красавіка, стала працягам святкавання Сусветнага дня кнігі і аўтарскага права ў Нацыянальнай бібліятэцы Беларусі.

Навіны Нацыянальнай бібліятэкі Беларусі

Мінская гарадская канферэнцыя “На фронце і ў тыле: жанчыны Вялікай Айчыннай вайны”

25 Кра 2024

Старшыня пярвічнай арганізацыі грамадскага аб’яднання “Беларускі саюз жанчын” Нацыянальнай бібліятэкі Беларусі Наталля Есіс узяла ўдзел у Мінскай гарадской канферэнцыі “На фронце і ў тыле: жанчыны Вялікай Айчыннай вайны” (19 красавіка), прымеркаванай да знакавай даты – 80-годдзя вызвалення Беларусі ад нямецка-фашысцкіх захопнікаў.

Навіны Нацыянальнай бібліятэкі Беларусі

Адам Шаняўскі і бібліятэчны фонд павятовай школы Нясвіжа (апошняя чвэрць XVIII ст.)

25 Кра 2024

24 красавіка на Міжнароднай навукова-практычнай канферэнцыі “Румянцаўскія чытанні – 2024” у Маскве галоўны бібліёграф аддзела даведачна-інфармацыйнага абслугоўвання Вольга Палунчанка прадставіла даклад “Роля Адама Шаняўскага ў арганізацыі бібліятэчнага фонду Нясвіжскай павятовай школы (апошняя чвэрць XVIII ст.)”.

Навіны Нацыянальнай бібліятэкі Беларусі

Бібліятэкарам