20 і 21 кастрычніка чарговыя заняткі “Клуба кніжных прафесараў” былі прысвечаны тэме “Формы і матэрыялы кнігі”.
Дзеці пазнаёміліся з асноўнымі формамі кнігі, а таксама з матэрыяламі, якія раней выкарыстоўваліся для пісьма. “Кніжныя прафесары” засвоілі асноўныя тэрмiны тэмы: рукапіс, манускрыпт, папірус, пергамент, скрутак, кодэкс, скрыпторый, пратограф і іншыя.
На занятках дзеці даведаліся, што кітайскія кнігі рабіліся на бамбукавых планачках, якія звязваліся паміж сабой вяроўкай. Адна драўляная дошачка лічылася старонкай кнігі. Для стварэння кнігі-скрутка часам патрабавалася да некалькіх тысяч бамбукавых планачак. Кнігі з бамбуку з’яўляюцца адной з найважнейшых вех кітайскай пісьменнасці і культуры ў цэлым.
Для замацавання тэорыі дзеці разам з бацькамі выканалі творчае заданне, якое дазволіла выявіць індывідуальныя здольнасці і крэатыўна паглядзець на аб’ект пазнання. Наведвальнікі музейных заняткаў паспрабавалі самі стварыць “бамбукавыя кнігі”, звязваючы драўляныя дошачкі паміж сабой. Творчае заданне было арганізавана па методыцы Святланы Прудоўскай.
Чытайце таксама:
- Заняткі 2-га курса “Клуба кніжных прафесараў”
- Стартавалі заняткі 1-га курса “Клуба кніжных прафесараў”
- Выпускны ў “Клубе кніжных прафесараў”
- Францыск Скарына вачыма дзяцей
- Алесь Суша – госць “Клуба кніжных прафесараў”
- У “Клубе кніжных прафесараў” вывучалі спадчыну Францыска Скарыны
- Ёган Гутэнберг у “Клубе кніжных прафесараў”
- "Рукапісная кніга" ў "Клубе кніжных прафесараў"
- "Кніжныя прафесары" вывучалі структуру кодэкса
- Узнагароджанне юных удзельнікаў праекта
- Творчае заданне “Нацыянальная бібліятэка Беларусі – дома”
- Кніжная культура Радзівілаў
- У “Клубе кніжных прафесараў” дзеці стваралі папяровыя цуды
- Бамбукавыя скруткі сваімі рукамі
- Стартавалі заняткі ў "Клубе кніжных прафесараў"
- Трэнд сезона – “Клуб кніжных прафесараў”
- Стартуе праект "У госці да кніг"