У калядны тыдзень прадстаўніцы Беларускага саюза жанчын НББ не засталіся ў баку ад добрых спраў.
Разам з Дзедам Марозам і Снягурачкай яны наведалі аддзяленне сацыяльнай рэабілітацыі, абілітацыі інвалідаў дзяржаўнай установы “Тэрытарыяльны цэнтр сацыяльнага абслугоўвання насельніцтва Першамайскага раёна г. Мінска”.
Добрыя казачныя персанажы павіншавалі ўсіх з Новым 2024 годам і Раством, пажадалі моцнага здароўя, дабрабыту і выканання жаданняў, а таксама ўручылі падарункі ад БСЖ НББ.
Матэрыял пададзены пярвічнай арганізацыяй ГА “Беларускі саюз жанчын” НББ.