Па запрашэнні кіраўніцтва Мінскай духоўнай акадэміі імя свяціцеля Кірылы Тураўскага генеральны дырэктар Нацыянальнай бібліятэкі Аксана Кніжнікава ўзяла ўдзел ва ўрачыстай цырымоніі адкрыцця выставы выданняў акадэміі.
Унікальнасць выставы заключаецца ў тым, што экспазіцыя ўсіх выпушчаных Мінскай духоўнай акадэміяй выданняў, сабраных у адной калекцыі, прадстаўлена ўпершыню. Выстава будзе працаваць на пастаяннай аснове.
Мерапрыемства ўзначаліў мітрапаліт Мінскі і Заслаўскі Веніямін, Патрыяршы Экзарх усяе Беларусі.
У рамках візіту адбылася сустрэча з рэктарам акадэміі архімандрытам Афанасіем (Сакаловым). У сустрэчы ўзяў удзел загадчык бібліятэкі Мінскай духоўнай акадэміі Ілья Перчанка. Бакі падвялі вынікі па шэрагу напрамкаў супрацоўніцтва Нацыянальнай бібліятэкі Беларусі і Мінскай духоўнай акадэміі, абмеркавалі перспектывы рэалізацыі далейшых сумесных праектаў.
Падчас наведвання комплексу акадэмічных будынкаў Аксана Юр’еўна азнаёмілася з экспазіцыяй Царкоўна-гістарычнага музея Беларускай праваслаўнай царквы, мемарыяльнага кабінета мітрапаліта Філарэта (Вахрамеева), першага Патрыяршага Экзарха ўсяе Беларусі.
Матэрыял пададзены аддзелам камплектавання фондаў.
