Нацыянальная бібліятэка Беларусі запрашае прыняць удзел у ХVІ Міжнародных кнігазнаўчых чытаннях, прымеркаваных да 500-годдзя заснавання Жыровіцкага манастыра і бібліятэкі.
Арганізатары:
Міністэрства культуры Рэспублікі Беларусь, Нацыянальная бібліятэка Беларусі.
Дата правядзення: 14–15 мая 2020 г.
Месца правядзення: Нацыянальная бібліятэка Беларусі (Мінск, пр. Незалежнасці, 116).
Праблемнае поле:
- Манастыры як цэнтры кніжнай культуры
- Кнігазбор Жыровіцкага манастыра: гісторыя, сучасны стан і перспектывы
- Рукапісная кніжнасць Беларусі
- Беларускія друкарні XVI–XVIІІ стст.
- Беларуская кніга ХIХ–ХХ стст.
- Беларуская рукапісная і друкаваная кніга ў айчынных і замежных зборах
- Гістарычныя кніжныя калекцыі і развіццё бібліятэчнай справы Беларусі
- Мастацкае афармленне рукапіснай і друкаванай кнігі
- Бібліяграфічны ўлік кніжных помнікаў Беларусі
- Сучасная беларуская кніга
- Кніга ў сучасным сацыякультурным і інфармацыйным асяроддзі
- Бібліялагічныя школы, даследаванні і канцэпцыі
- Роля асобы ў стварэнні і развіцці беларускага кнігазнаўства
Мовы канферэнцыі: беларуская, руская, польская, украінская, англійская.
Умовы ўдзелу:
Для ўдзелу ў канферэнцыі з дакладам, паведамленнем або ў якасці госця неабходна прайсці анлайн-рэгістрацыю.
Пражыванне, харчаванне, транспартныя выдаткі – за кошт удзельнікаў канферэнцыі.
Даклады і паведамленні:
Плануецца выданне зборніка матэрыялаў канферэнцыі. Прымаюцца арыгінальныя работы на беларускай, рускай, англійскай мовах, якія маюць навуковае і прыкладное значэнне. Аргкамітэт пакідае за сабой права адбору дакладаў для ўдзелу ў канферэнцыі і артыкулаў для апублікавання. Файл з тэкстам даклада неабходна выслаць на электронную пошту sapega@nlb.by і susha.ksenia@yandex.by не пазней за 15 сакавіка 2020 г.
Патрабаванні да афармлення даклада:
1. Прозвішча, імя, імя па бацьку (цалкам) аўтара / суаўтараў, поўная назва арганізацыі, горад, краіна; прозвішча, імя, імя па бацьку (цалкам) асобы, якая будзе прадстаўляць даклад на канферэнцыі, назва даклада.
2. Аб'ём даклада разам з рэзюмэ, ілюстрацыямі і дадаткамі – не больш за 6 старонак фармату А4, шрыфт Times New Roman, кегель 13, міжрадковы інтэрвал 1,5 радкі, тып файла – .doc або .rtf (Microsoft Word).
3. Спіс выкарыстаных крыніц змяшчаецца пасля асноўнага тэксту ў алфавітным парадку. Спасылкі афармляюцца ў квадратных дужках, напрыклад [3, с. 15].
4. Рэзюмэ на англійскай мове аб'ёмам не больш за 400 сімвалаў (з прабеламі).
Кантакты:
Сапега Таццяна Андрэеўна
Тэлефоны: (8 017) 293 27 82, (8 044) 579 39 07
E-mail: sapega@nlb.by
Суша Ксенія Віктараўна
Тэлефон: (8 017) 293 27 83
E-mail: susha.ksenia@yandex.by