У мэтах папулярызацыі беларускай літаратурнай спадчыны прэзентацыі кнігі Уладзіміра Караткевіча “Дзікае паляванне караля Стаха” адбыліся ў Азербайджане, Арменіі, Казахстане, Латвіі, Літве, Малдове, Польшчы, Расіі, Украіне, Эстоніі.
Па ініцыятыве Міністэрства культуры пры падтрымцы Беларускага фонду культуры да 80-гадовага юбілею Уладзіміра Караткевіча выдадзена аповесць “Дзікае паляванне караля Стаха”. Твор упершыню быў перакладзены і надрукаваны на беларускай, рускай, украінскай і англійскай мовах.
У Расіі прэзентацыі кнігі прайшлі ў Санкт-Пецярбургу, у Новасібірскім цэнтры беларускай культуры, Іжэўскім дзяржаўным тэхнічным універсітэце, Рэспубліканскім доме-музеі П.І. Чайкоўскага ў Воткінску і Удмурцкай рэспубліканскай нацыянальнай бібліятэцы.
У лютым 2011 г. адбылася прэзентацыя выдання ў Кіеве пры ўдзеле прадстаўнікоў беларускай дыяспары, студэнтаў, якія вывучаюць беларускую мову, грамадскасці і прэсы. Мерапрыемства было арганізавана Пасольствам Беларусі ва Украіне і кіраўніцтвам Нацыянальнай бібліятэкі. Тры асобнікі кнігі былі перададзены беларускім пасольствам Нацыянальнай бібліятэцы і Нацыянальнаму музею літаратуры Украіны, Цэнтру беларускай мовы і культуры пры Інстытуце філалогіі Кіеўскага нацыянальнага ўніверсітэта.
У Арменіі прэзентацыя кнігі арганізавана на факультэце агульнай філалогіі Расійска-Армянскага (Славянскага) універсітэта, экзэмпляр кнігі ўручаны рэктару ўніверсітэта для папаўнення бібліятэчнага фонду факультэта, пры якім створана краіназнаўчая экспазіцыя з выкарыстаннем матэрыялаў па гісторыі, літаратуры, мастацтве і этнаграфіі.
Прэзентацыя кнігі ў Азербайджане праведзена ў Бакінскім славянскім універсітэце ў ходзе сумеснага пасяджэння Таварыства дружбы і супрацоўніцтва “Азербайджан – Беларусь” і прадстаўнікоў шэрагу славянскіх культурных цэнтраў універсітэта.
14 студзеня 2011 г. у рамках вечара, прысвечанага жыццю і творчасці Уладзіміра Караткевіча, адбылася прэзентацыя кнігі ў Казахстане. У дадзеным мерапрыемстве ўзялі ўдзел прадстаўнікі грамадскага аб’яднання “Культурны цэнтр «Беларусь»” горада Астаны.
У Латвіі прэзентацыі аповесці ладзіліся ў Акадэмічнай бібліятэцы, бібліятэцы Латвійскага ўніверсітэта і Рыжскай беларускай школе. У мерапрыемствах узялі ўдзел прадстаўнікі Саюза беларусаў Латвіі і латвійскіх СМІ.
У Літве прэзентацыя выдання арганізавана ў лютым 2011 г. у рамках XII Вільнюскага міжнароднага кніжнага кірмашу.
Прэзентацыя кнігі “Дзікае паляванне караля Стаха” ў Малдове праведзена ў красавіку 2011 г. у рамках літаратурных чытанняў з удзелам беларускіх абшчын у Кішынёве і Ціраспалі.
У Эстоніі прэзентацыя кнігі адбылася ў Бібліятэцы імя Уладзіміра Караткевіча, нядаўна адкрытай у Таліне.
У Польшчы прэзентацыя выдання адбылася ў чэрвені 2011 г. на філалагічным факультэце Варшаўскага ўніверсітэта, у рамках якой у бібліятэчныя фонды факультэта і Культурнага цэнтра Беларусі ў Польшчы былі перададзены асобнікі кнігі. Таксама была праведзена прэзентацыя ў Беластоку, у Культурным цэнтры Беларусі ў Польшчы.
Арганізатарамі акцыі па прэзентацыі выступілі Міністэрства культуры, Міністэрства замежных спраў, Беларускі фонд культуры, дыпламатычныя і консульскія ўстановы Рэспублікі Беларусь за мяжой.
Крыніца: Міністэрства культуры Рэспублікі Беларусь
Чытайце таксама:
- Киевская презентация повести В. Короткевича
- Выкуплены права на экранизацию «Черного замка Ольшанского»
- По роману Короткевича готовится сценарий для фильма
- Памятник Владимиру Короткевичу появится до конца года в Киеве
- Музычны вечар у філармоніі “Быў. Ёсць. Будзе”
- “Свет шчодры. Свет мяне паўторыць…”
- Орша празднует юбилей Владимира Короткевича
- Уладзіміру Караткевічу прысвячаецца
- Владимир Короткевич – на экране
- В Таллине появилась библиотека имени Владимира Короткевича
- В Киеве откроют памятник Короткевичу
- Рыхтуецца 25-томнік Караткевіча
- В Минске возведут памятник Владимиру Короткевичу
- Разработан план мероприятий к 80-летнему юбилею В. Короткевича
- Повесть Короткевича станет оперой и выйдет в уникальном издании
- Конкурс на созданием памятника Короткевичу в Киеве
- Улица имени Владимира Короткевича появится в Рогачеве
- В Калининграде читаюць Быкова, Короткевича и белорусские сказки
- Память о Короткевиче будет увековечена под киевскими каштанами
- Минские суворовцы читают Быкова и Короткевича
- У «Акадэмкнізе» – галасы У. Караткевіча, Л. Геніюш і Р. Барадуліна