ГалоўнаяНавіныНавіны бібліятэк
Гэтыя карціны свецяцца знутры!
Выйсці ў афлайн: дзе ў Нацыянальнай бібліятэцы чытаць папяровую прэсу

Мульцяшныя важаняткі дапамогуць дзеткам вучыць беларускую мову

Мульцяшныя важаняткі дапамогуць дзеткам вучыць беларускую мову
Іншыя навіны

Пісьменніца Ганна Янкута і мастачка Святлана Катлярова прыдумалі “Вожыкавую палянку”, на якой важаняты будуць вучыцца назвам колераў, пальцаў, дзён тыдня, а яшчэ лічыць і спяваць.

Паводле ідэі на Сонечнай паляне жыве сям’я вожыкаў: мама, тата і блізняты-важаняты – дзяўчынка і хлопчык на імя Вожа і Пых-Пых. Важаняты, як і ўсе дзеці, надзвычай цікаўныя і любяць гуляць. А яшчэ яны вучаць беларускія словы: лічбы, дні тыдня, колеры, назвы пальцаў і інш. У гэтым ім дапамагаюць кароткія рыфмаваныя вершыкі і лёгкія для запамінання песенькі.

Першая серыя называецца “Гульня ў хованкі”. Яна распавядзе, як па-беларуску правільна лічыць, а таксама пазнаёміць дзяцей са словамі, якія маюць дачыненне да гульні: лічылка, хавацца, шукаць, знаходзіць і інш. Цяпер на яе стварэнне збіраюць сродкі на molamola.by.

“Апошнім часам выходзіць усё больш беларускамоўных кніг для дзяцей розных узростаў. І хаця пакуль нельга сказаць, што іх стала дастаткова, сітуацыя відавочна паляпшаецца. Але адных кніг для гадавання беларускамоўных дзяцей мала – патрэбныя яшчэ і якасныя мультфільмы”, – перакананая аўтарка сцэнару Ганна Янкута.

Яна лічыць, што пераклады замежных мультфільмаў – добрая практыка, але варта рабіць і сваё: “Аднак зусім мала арыгінальных навучальных мульцікаў, зробленых на беларускім матэрыяле, і нам вельмі хочацца гэты прабел запоўніць. Мы марым пра серыял, кожная серыя якога будзе з дапамогай вясёлых вершыкаў, запамінальных песенек і яркіх сюжэтаў дапамагаць дзецям вучыць беларускую мову. І, безумоўна, забаўляць, захапляць і ўражваць”.

Як будуць выглядаць вобразы пісьменніцы, уявіла мастачка Святлана Катлярова: “Мы плануем зрабіць вясёлы адукацыйны серыял «Вожыкавая палянка», які прыдасца ўсёй сям’і: дзеці змогуць даведацца з серый нешта новае, бацькі атрымаюць дапаможны інструмент для навучання і забавы. Мультфільмы будуць яркія і каляровыя: лес, зеляніна, кветкі, вожыкі і іншыя жывёлы. Усё гэта – адукацыйны складнік, яркія вобразы і беларуская мова, а таксама арыгінальны, беларускі матэрыял – робіць гэты праект унікальным. У Беларусі такіх праектаў сапраўды вельмі мала”.

Такі мультфільм будзе карысны не толькі беларускамоўным сем’ям, а і тым, хто размаўляе дома па-руску, каб для дзетак сустрэча з мовай у школе не была шокам.

Зараз праект збірае сродкі на пілотны эпізод. Патрымаць яго можна на molamola.by.

Крыніца: Наша ніва

Навіны

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Бібліятэкарам
111