ГалоўнаяНавіныНавіны бібліятэк
Музыка ў нашых сэрцах
Міжнароднаму праекту “Беларусь сёння” 10 гадоў

Цікавыя людзі мы

Іншыя навіны

Свой артыкул “Больш самачыннасці” (1919) публіцыст Купала распачаў так: “Цікавыя людзі мы – беларусы!” Выснову гэтую хачу выкарыстаць не для таго, каб згадаць колішняе, хрэстаматыйнае: “якое б ліха навокал нас і з намі ні рабілася, якіх бы мы ні перажывалі нягод і крыўд – мы гэтага як бы ня бачым, а калі і бачым, то ліха церпім ды чакаем, што вось нехта прыйдзе і гэта нашае ліха пабярэ з сабою”. Пагадзіцеся, выснова трошкі згубіла актуальнасць. А вось словы пра тое, што цікавыя мы, патрабуюць, на мой погляд, больш падрабязнага разгляду… Купалу і што з ім звязана колісь ды цяпер, згадаю яшчэ не раз. Апостал нацыі. І гэта неаспрэчна.

Людзі мы цікавыя. Пайшоў я ў адпачынак у адной краіне, а прыйшоў з яго днямі зусім у іншую. У першай і ўявіць сабе цяжка было, каб наш народ ці не ўвобмірг захацеў стаць нацыяй. І “Магутны Божа” ля Белдзяржфілармоніі стаў гаючым і надаў сілы. А кавярня з разбітым дзвярным шклом? Людзі збіраліся ў чаргу, каб купіць кавы ды хоць нейкім чынам кампенсаваць гаспадарам нечаканыя страты. Натоўп здольны нявечыць, народ замест паходні сагравае любоўю, нацыя мроіць пра Беларусь не толькі ў Год малой радзімы.

Калісьці інсургенты Кастуся Каліноўскага выкарыстоўвалі для сакрэтных стасункаў пароль і адказ: “Каго любіш?” – “Люблю Беларусь!” – “То ўзаемна”. Усё элементарна проста: нельга жыць на зямлі, якую ненавідзіш, немагчыма штосьці давесці людзям, якіх не любіш. На стараверскіх ручніках Веткаўшчыны напісана “Бог – гэта Любоў”. І ўвесь зямны шар услед за Beatles паўтарае: “Усё, што ёсць у свеце – гэта любоў”. Як займацца каханнем, ведаюць усе, любіць здольныя толькі абраныя. Цікавыя мы людзі.

Гадоў дваццаць таму ў “ЛіМ” прыбег раззлаваны Толя Сыс: “Напісаў зварот, апублікуйце!” Апублікавалі. Паэт ганьбіў пару супрацоўнікаў Купалаўскага тэатра, якія дазволілі сабе “раскошу” дзесьці публічна размаўляць па-руску. Натуральна, публікацыя мела рэзананс і вярнула жадаемае status quo. Купалаўцы былі, ёсць і будуць правапераемнікамі Купалы, які ў 1919 годзе акрэсліў нашу будучыню ў маніфесце “Незалежнасць”.

Правапераемнікамі ў мастацкім слове і грамадзянскім учынку, у мастацкай шчырасці і праўдзівасці. Словам, Купалаўскі тэатр – не толькі галоўная тэатральная пляцоўка краіны. Гэта – эталон беларускага сумлення. Мінскія будаўнікі, відаць, яшчэ доўга будуць перадаваць з вуснаў у вусны тое, што адзін з купалаўцаў змяніў амплуа і ўзводзіў разам з імі дамы. Часова, па прычыне вялікага жадання вывучыць жыццё з яго адваротнага, не вельмі прывабнага боку. Мы людзі цікавыя. Крыху замінае свет паралельных рэальнасцяў. Нацыянальны банк краіны рыхтуе манеты ў гонар стагоддзя Купалаўскага тэатра. Цікава, што на іх будзе адлюстравана.

“Янка Купала” ўрэшце да нас дайшоў. Драма лёсу аднаго выбітнага для Беларусі чалавека – неаспрэчная драма ўсёй краіны. І тутэйшыя ўважліва слухаюць паэта, які стаяў ля вытокаў нашай незалежнасці. Няхай драмы застаюцца толькі на тэатральных сцэнах.

Завітайце таксама на старонку віртуальнага праекта Нацыянальнай бібліятэкі Беларусі "Класікі сусветнай літаратуры Янка Купала і Якуб Колас"

Аўтар публікацыі: Яўген Рагін.

Крыніца: газета "Культура"

Чытайце таксама: Нацыянальны тэатр імя Янкі Купалы: першыя крокі (20-я гады ХХ ст.)

Навіны

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

УДК і аўтарытэтныя запісы ў адлюстраванні краязнаўчага і краіназнаўчага кантэнту

29 Кас 2020

У рамках VII Міжнароднага кангрэса “Бібліятэка як феномен культуры” прайшоў метадычны семінар “Нацыянальныя аб’екты ў каталогах і базах даных бібліятэк Беларусі: методыка прымянення УДК і аўтарытэтных запісаў”.

Навіны Нацыянальнай бібліятэкі Беларусі

Усё не так, як у кнізе! Што не так з экранізацыямі і дзе ў бібліятэцы глядзець кіно

27 Кас 2020

У сучасным кінематографе ўсё менш арыгінальных сцэнарыяў, а экранізацый папулярных кніг – усё больш. Але на самой справе не ўсе з іх удалыя – прынамсі, на наш густ. Што ж не так з экранізацыямі? І чаму мы амаль заўсёды імі незадаволены? Працягнем гутарку пра мастацтва адаптацыі кніжных твораў!

Аўтарскі погляд

111