Дата правядзення
Час правядзення
Месца правядзення
7 чэрвеня ў бібліятэцы адкрыецца інфармацыйна-дакументальная выстаўка “Лагер смерці Трасцянец. Гісторыя і памяць”.
Арганізатары – Дортмундскі міжнародны адукацыйны цэнтр, Мінскі міжнародны адукацыйны цэнтр імя Ёханэса Рау, фонд “Мемарыял памяці забітых яўрэяў Еўропы” і Нацыянальная бібліятэка Беларусі.
Беларуска-нямецкі выставачны праект заклікае аддаць даніну памяці ахвярам Трасцянца і адначасова адлюстроўвае, якім чынам і дзе ў Беларусі, Германіі, Аўстрыі і Чэхіі захоўваецца памяць аб загінуўшых. Разам з гэтым, распавядае аб месцах масавага знішчэння і аб тых, хто здзяйсняў зверства.
Выстаўка складаецца з 18 раздзелаў, якія прадстаўляюць Малы Трасцянец як месца злачынства і месца памяці. Асобныя раздзелы прысвечаны ўрочышчу Благаўшчына, дзе адбываліся масавыя расстрэлы, “Аперацыі 1005”, забойству ў Шашкоўцы, дзе была пабудавана печ для знішчэння людзей. Асноўная ўвага нададзена біяграфічным партрэтам ахвяр Трасцянца.
Мерапрыемства пачнецца а 16-й гадзіне ў атрыуме 2-га паверха.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.
Тэлефоны для даведак: 8 (017) 266 37 37, 293 28 23.
Е-mail: pr@nlb.by
Чытайце таксама аб адкрыцці выстаўкі памяці ахвяр Трасцянца
