Дата правядзення
Час правядзення
Месца правядзення
З 1 па 25 верасня ўсіх аматараў вострасюжэтных твораў запрашаем у чытальную залу аддзела міжбібліятэчнага абанемента і дастаўкі дакументаў (пам. 164) на выставу “У свеце таямніц і загадак”.
Кнігі адкрываюць унікальны, напоўнены таямніцай і чараўніцтвам свет, які вабіць кожнага з нас. Хтосьці аддае перавагу гістарычным або любоўным раманам, хтосьці фантастыцы ці фэнтэзі, а для многіх любімы жанр – дэтэктыў. Самастойна скласці лагічны ланцужок падзей, праявіць праніклівасць і паспрабаваць раскрыць злачынства – што можа быць больш займальным!?
У экспазіцыі “У свеце таямніц і загадак”, арганізаванай да 130-годдзя з дня нараджэння Агаты Крысці, прадстаўлены творы не толькі родапачынальнікаў дэтэктыўнага жанру, але і сучасных аўтараў.
Час работы выстаўкі
пн. – чц.: 10.00–19.00
пт.: 10.00–18.00
сб., ндз. – выходны
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.
