Запрашаем дзяцей на творчыя заняткі “Качачкі”

27 лістапада дзіцячы пакой запрашае дзяцей 5–10 гадоў на творчыя заняткі “Качачкі”.

З каляровых папяровых кругоў рознага памеру дзеці зробяць аб’ёмны выраб – пацешных качачак, якія ляцяць над сажалкай. Яны навучацца камбінаваць розныя па велічыні і колеры геаметрычныя фігуры і ствараць аб’ёмную аплікацыю, згінаючы кругі і прыклейваючы элементы вырабу на ліст-аснову.

Дапоўніць займальны творчы працэс чытанне казак “Брыдкае качаня” Г.Х. Андэрсана, “Шэрая Шыйка” Д.Н. Маміна-Сібірака і “Ребята и утята” М. Прышвіна.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.