Дата правядзення
Час правядзення
Месца правядзення
Нацыянальная бібліятэка Беларусі працягвае цыкл майстар-класаў з вядомымі народнымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.
6 красавіка а 16-й гадзіне адбудзецца сустрэча з майстрам народнай творчасці Алай Аўсяннікавай па дэкарыраванні яек у тэхніцы “інкрустацыя саломкай”.
Інкрустацыя саломкай – адна з найбольш вядомых і арыгінальных традыцый беларускага прыкладнога мастацтва. Яскравыя, выразныя, створаныя з майстэрствам і любоўю да дэталяў, драўляныя сувеніры з залатымі арнаментамі з’яўляюцца візітнай карткай нашага краю.
Для інкрустацыі майстры часцей за ўсё выкарыстоўваюць жытнюю саломку. Яе наразаюць квадрацікамі, ромбікамі або палоскамі, а затым наляпляюць на паверхню. Для павелічэння кантрасту паміж узорам з саломкі і цёмным фонам упрыгожаную паверхню пакрываюць лакам.
На майстар-класе наведвальнікі змогуць зрабіць велікоднае яйка – неадменны атрыбут і незвычайны падарунак на адно з галоўных рэлігійных свят хрысціян – Вялікдзень. У славянскіх народаў гэты сімвал асацыіраваўся з урадлівасцю зямлі, вясновым адраджэннем прыроды і лічыўся правобразам Сусвету.
Наведванне майстар-класа ўваходзіць у кошт наведвання выставы “Жывыя крыніцы”:
- для дарослых – 6 рублёў;
- для навучэнцаў сярэдніх, сярэднеспецыяльных і вышэйшых устаноў – 3 рублі;
- сямейны квіток (2 дарослых з дзіцём да 16 гадоў) – 11 рублёў;
- сямейны квіток (2 дарослых з 2 дзецьмі да 16 гадоў) – 13 рублёў;
- шматдзетныя сем’і (пры прад'яўленні дакумента) – 13 рублёў.
- дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
- суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).
Час работы выстаўкі адпавядае рэжыму работы бібліятэкі.
Тэлефоны для даведак: (8 017) 293 27 50.