Дата правядзення
Час правядзення
Месца правядзення
9 красавіка дзіцячы пакой запрашае дзяцей 5–10 гадоў на творчыя заняткі па пластылінаграфіі “У падарожжа па Млечным шляху”.
З дапамогай асноўных прыёмаў тэхнікі пластылінаграфіі юныя ўдзельнікі зробяць аб’ёмную карціну зорнага неба.
У якасці фону для начнога неба будзе выкарыстаны кардон чорнага колеру. Дзеці мазкамі нанясуць невялікія кавалачкі пластыліну на выразаныя з паперы выявы планет і ракеты. Падрыхтаваныя элементы вырабу юныя мастакі злучаць у адзіную кампазіцыю, якую ўпрыгожаць россыпам бліскучых зорачак.
Навучыцца захоўваць раўнавагу дзеці змогуць у гульні “Праверка раўнавагі”, а прадстаўленыя на занятках пазнавальныя кнігі пра космас пашыраць кругагляд юных чамучак.
Час правядзення мерапрыемства: 14.30–16.00.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.