Дата правядзення
Час правядзення
Месца правядзення
30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.
Прадстаўленыя матэрыялы раскрываюць гістарычную праўду аб ваенных днях савецкага народа і аб’ядноўваюць шэсць тэм: “Краіна ў агні”, “Акупіраванае дзяцінства”, “Храмы пад варожым прыцэлам”, “Рэспубліка-партызанка”, “Цяжкі шлях да перамогі”, “Подзвіг бессмяротны!”. Кожны стэнд змяшчае дакументальныя і архіўныя фота герояў-абаронцаў і вызваліцелей Радзімы, мемарыяльных комплексаў нашай краіны, выявы медалёў, савецкія плакаты, партызанскую творчасць.
Арганізатары экспазіцыі – Нацыянальная бібліятэка Беларусі і Беларускі дзяржаўны архіў кінафотадакументаў.
Наведаць выставу можна да 30 ліпеня 2022 года.
Дата заканчэння працы экспазіцыі можа быць зменена.
Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.
