Дата правядзення
Час правядзення
Месца правядзення
З 4 лістапада па 28 снежня ў зале перыядычных выданняў (пам. 106) праходзіць тэматычная выстава “Рэканструкцыя грамадства: на шляху да зялёнай будучыні”.
На працягу ўсяго перыяду існавання чалавецтва жыццё сусветнай супольнасці грунтавалася на прынцыпе здабывання максімальнай выгады з наяўных прыродных рэсурсаў, якія служаць залогам эканамічнай стабільнасці жыццядзейнасці людзей. Аднак ужо сёння попыт на гэтыя рэсурсы перавышае магчымасці нашай планеты па іх аднаўленні.
Ключ да вырашэння гэтай праблемы закладзены ў канцэпцыі эканомікі замкнёнага цыкла, цыркулярнай (“зялёнай”) эканомікі, заснаванай на паўторным выкарыстанні прыродных рэсурсаў на працягу некалькіх цыклаў. Канцэптуальныя асновы ўкаранення цыркулярнай эканомікі асветлены ў публікацыях з часопісаў “Весці Нацыянальнай акадэміі навук Беларусі”, “Проблемы управления”, “Труды БГТУ” і інш.
Беларусь адносіцца да краін, якія валодаюць вялікім экалагічным следам, і шкода, якая наносіцца ёю прыродзе, даволі значная. У сувязі з гэтым неабходны дадатковыя мерапрыемствы па скарачэнні выкідаў парніковых газаў, ачыстцы сцёкавых вод ад забруджвальных рэчываў і г.д. Акрамя таго, сярод напрамкаў развіцця “зялёнай” эканомікі актуальныя наступныя: развіццё вытворчасці і абароты арганічнай прадукцыі, стварэнне разумных і энергаэфектыўных гарадоў, далейшае развіццё эка- і агратурызму, пашырэнне выкарыстання электратранспарту і інш. Аб рэалізацыі гэтых напрамкаў раскажуць публікацыі з часопісаў “Живи как хозяин”, “Энергосбережение”, “Банкаўскі веснік”, “Наука и инновации” і інш.
Усяго экспазіцыя налічвае больш за 30 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял пададзены аддзелам абслугоўвання спецыялізаванымі фондамі.