Дата правядзення
Час правядзення
Месца правядзення
15 лістапада ў галерэі “Лабірынт” адбылося ўрачыстае адкрыццё выстаўкі ткацкіх работ у рамках V Трыенале дэкаратыўнага мастацтва Беларускага саюза мастакоў “ДЭКАРТ-22”.
У экспазіцыі прадстаўлена каля 50 габеленаў і шпалер вядомых беларускіх мастакоў Алы Непачаловіч, Уладзіміра Лісавенкі і Ларысы Густавай, якія пайшлі з жыцця ў мінулым годзе. Яны зрабілі надзвычайны ўнёсак у беларускае дэкаратыўнае мастацтва. Іх роля ў развіцці беларускай школы тэкстылю і габелена незабыўная. Работы прадстаўлены з асабістых калекцый сем’яў мастакоў і Нацыянальнага мастацкага музея.
Выстаўка арганізавана Нацыянальнай бібліятэкай Беларусі сумесна з Беларускім саюзам мастакоў.
Выставачны праект будзе працаваць да 14 сакавіка 2023 года.
Дата яго заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
