10 красавіка ў бібліятэцы прайшоў семінар “Інфармацыйныя рэсурсы Індыі і Кітая па гуманітарных, інжынерных навуках і медыцыне”.
Увазе слухачоў быў прапанаваны агляд найбуйнейшых агрэгатараў і выдавецтваў Азіі, якія спецыялізуюцца на выпуску навуковай, вучэбнай і прафесійнай літаратуры: BSP Books, Global Science Press, International Academic Journals Network (Ijournet), SChand Publishing і інш.
Асаблівая ўвага была нададзена рэсурсу MyLoft – сістэме аўтэнтыфікацыі аддаленых карыстальнікаў электронных рэсурсаў, якая забяспечвае кругласутачны доступ да платформ па адзіным лагіне і паролі.
Удзельнікі семінара пазнаёміліся з функцыяналам сістэмы, а таксама яе магчымасцямі для бібліятэкараў і чытачоў: інтэграцыя з рэпазіторыем, электронным каталогам, дыскаверы-сэрвісам; пуш-паведамленні і абвесткі па email; галасавы пошук і ўбудаваны рыдар; чытанне афлайн і многае іншае.
Сустрэча прайшла ў змешаным фармаце: больш за 50 спецыялістаў бібліятэк з усіх рэгіёнаў Беларусі змаглі далучыцца як анлайн, так і вочна.
Віртуальная чытальная зала працягне цыкл мерапрыемстваў па знаёмстве з электроннымі інфармацыйнымі рэсурсамі айчынных і сусветных вытворцаў.
Чакаем вас у Нацыянальнай бібліятэцы Беларусі!
Матэрыял пададзены аддзелам карпаратыўнага ўзаемадзеяння.