Нацыянальная бібліятэка Беларусі стала адным з арганізатараў конкурсу буктрэйлераў – кароткіх відэаролікаў, прысвечаных пэўнай кнізе. Сярод задач конкурсу – стварэнне калекцыі такіх відэа для далейшай перадачы ў бібліятэчную сістэму рэспублікі. У спецыяльнай рубрыцы нашага партала можна пазнаёміцца з матэрыяламі, створанымі маладымі для маладых.Папулярнымі сталі сярод удзельнікаў конкурсу і творы Васіля Быкава: напрыклад, маладзейшых удзельнікаў (школьнікаў) зацікавілі аповесці “Абеліск” і “Знак бяды”.
“Страхаў на вайне шмат, і ўсе яны розныя,” – пісаў Быкаў у сваёй кнізе “Доўгая дарога дадому” (2003). Можа быць, моладзь з такім інтэрасам паставілася да творчасці Васіля Быкава якраз-такі таму, што ён – сам удзельнік Вялікай Айчыннай – распавядае праўдзіва, не хаваючы ад чытача анічога. І гэтую аўтарскую шчырасць чытачы не могуць не ацаніць.
Нехта паспрабаваў задзейнічаць свой мастацкі талент:
Нехта знайшоў ілюстрацыйны матэрыял у кадрах экранізацыі кнігі:
Розныя па чытацкім бачанні і спосабе рэалізацыі, гэтыя відэа спалучаныя адным – жаданнем данесці важную кнігу да сучаснага чытача.
Матэрыял падрыхтаваны аддзелам суправаджэння інтэрнэт-партала.