З 5 студзеня па 10 лютага 2009 года ў зале дакументаў міжнародных арганізацый Нацыянальнай бібліятэкі Беларусі (2 паверх, пакой 207g) адкрыта тэматычная кніжная выстаўка “Міжнароднае супрацоўніцтва для міру і згоды”, прысвечаная Міжнароднаму году прымірэння.
2009 год быў абвешчаны Генеральнай Асамблеяй ААН 20 лістапада 2006 года Міжнародным годам прымірэння (рэзалюцыя 61/17). Асамблея выказала сваю цвёрдую рашучасць працягваць працэсы прымірэння ў тых грамадствах, якія сталі ахвярамі канфліктаў або былі расколатыя імі, і ахарактарызавала такія працэсы як неабходныя для ўсталявання трывалага і стабільнага міру.
На выстаўцы, якая прапануецца чытачам, прадстаўлены больш за 60 дакументаў міжнародных арганізацый (ААН, ЮНЕСКА, Еўрапейскага Саюза і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН (мастхед), брашуры, буклеты.
Экспазіцыя складаецца з наступных тэматычных раздзелаў:
- дзейнасць міжнародных арганізацый у галіне правядзення палітыкі прымірэння і ліквідацыі канфліктаў і войнаў;
- міратворчасць як спосаб вырашэння канфліктаў;
- міжнародныя прававыя дакументы і пагадненні па падтрыманні міру і прымірэнні народаў;
- культура міру;
- сацыяльныя праграмы, накіраваныя на падтрымку палітыкі прымірэння (скарачэнне маштабаў жабрацтва, падтрымка дэмакратызацыі).
Падзеі першага дзесяцігоддзя ХХІ стагоддзя – войны, тэрарызм, глыбокія супярэчнасці, што раздзяляюць народы і асобных людзей ва ўсім свеце, - абумовілі беспрэцэдэнтную актуальнасць правядзення гэтага Года. Узброеныя сутыкненні і ваенныя канфлікты, якія адбываюцца ў розных гарачых кропках, па-ранейшаму ствараюць сур’ёзную пагрозу нацыянальнай, рэгіянальнай і глабальнай бяспецы.
Разумеючы, што дыялог паміж варожымі бакамі ў духу павагі і цярпімасці з’яўляецца найважнейшым элементам міру і прымірэння, Арганізацыя Аб’яднаных Нацый заклікала іншыя міжнародныя арганізацыі, урады дзяржаў, няўрадавыя арганізацыі падтрымаць працэсы прымірэння паміж народамі розных грамадстваў. Яна таксама прапанавала распрацаваць і пачаць ажыццяўленне культурных, адукацыйных і сацыяльных праграм з мэтай папулярызацыі канцэпцыі прымірэння, у тым ліку праводзіць канферэнцыі і семінары і распаўсюджваць інфармацыю па дадзеным пытанні. У канцэпцыю прымірэння ўваходзяць шматлікія дзеянні, накіраваныя на вырашэнне канфліктаў з дапамогай такіх метадаў, як пасрэдніцтва, падтрыманне міру, міратворчасць, меры па ўмацаванні даверу і нефармальная дыпламатыя.
Выстаўка будзе цікавая для спецыялістаў у галіне сусветнай палітыкі, дыпламатыі, міжнародных адносін, міжнароднага права, канфлікталогіі, грамадскіх дзеячаў, навуковых супрацоўнікаў, выкладчыкаў, студэнтаў ВНУ.
Спасылкі на сайты сістемы ААН
Арганізацыя Аб’яднаных Нацый:
- Міжнародны год прымірэння
- ААН працуе па ўмацаванні міру
- Глабальныя пытанні парадку дня ААН: мір і бяспека
- Мір і бяспека
- Уводзіны да аперацый ААН па падтрыманні міру
- Міратворчыя сілы ААН на службе падтрымання міру
- Палітычныя місіі ААН і яе місіі па мірабудаўніцтве
- Год дыялогу паміж цывілізацыямі пад эгідай ААН (2001)
- Пасланцы міру
- Аб Міжнародным дні міру
- Актуальныя звесткі аб «вартасці» вайны і міру
- Навіны ААН
- Камісія ААН па мірабудаўніцтве
- Пытанні раззбраення
- Дзеці і ўзброеныя канфлікты
- Жанчыны, мір і бяспека
- Спорт на карысць развіцця і міру *
- ААН працуе на ўмацаванне міру
- Выхаванне ў духу міру *
- Публікацыі на тэму «Мір і бяспека»
- Сайты сістэмы ААН
- Бібліятэчныя рэсурсы
ЮНЕСКА
Універсітэт Арганізацыі Аб’яднаных Нацый:
