9 чэрвеня ў галерэі “Атрыум” адбылося адкрыццё фотавыстаўкі “Пермскія багі. Вобраз. Месца. Час”.
“Пермскія багі” – адзін з галоўных сімвалаў Пермскага краю, унікальная драўляная скульптура, якая адлюстроўвае яго гісторыю. Мясцовыя народы, здаўна вызнаваўшыя язычніцтва, з прыходам хрысціянства не змаглі адразу прыняць іконы. Насуперак забароне, народныя майстры сталі адлюстроўваць шанаваныя праваслаўныя вобразы ў выглядзе статуй, выразаных з дрэва. Унікальнае ў гэтых постацях усё: тэхніка выканання, сюжэты, а галоўнае, што святыя лікі, выкананыя “па вобразе і падабенстве сваім”, маюць адметныя рысы карэннага насельніцтва.
Самая вялікая ў свеце калекцыя “пермскіх багоў” знаходзіцца ў Пермскай дзяржаўнай мастацкай галерэі. Сфарміравалася яна дзякуючы заснавальнікам галерэі, даследчыкам гісторыі культуры Пермскага краю Аляксандру Сырапятаву і Мікалаю Сярэбраннікаву. У 1920-я гады імі былі арганізаваны даследчыя экспедыцыі за драўлянымі багамі па тэрыторыі краю, з якіх было дастаўлена больш за 400 экспанатаў.
Фотавыстаўка адлюстроўвае гісторыю незвычайных драўляных скульптур: дзе і кім яны былі знойдзены, архіўныя фота, а таксама здымкі, зробленыя сучаснымі пермскімі фатографамі. У экспазіцыю ўвайшлі працы Сяргея Тартакоўскага, чые фатаграфіі склалі кнігу “Пермская деревянная скульптура”; Анатолія Далматава, пермскага майстра; Міхаіла Каламкарава, маскоўскага фотамастака, а таксама фатографа Валерыя Зараўняных, які адлюстраваў у сваіх здымках жыццё галерэі: ад падрыхтоўкі выставак – да эмоцый гледачоў.
У мерапрыемстве прынялі ўдзел Барыс Святлоў, міністр культуры Рэспублікі Беларусь; Ірына Івенских, намеснік старшыні ўрада Пермскага краю Расійскай Федэрацыі; Раман Матульскі, дырэктар Нацыянальнай бібліятэкі Беларусі; Валерый Зараўняных, загадчык фоталабараторыі Пермскай дзяржаўнай мастацкай галерэі.
Наведаць фотавыстаўку можна 9 чэрвеня (з 10.00 да 20.00) і 10 чэрвеня (з 10.00 да 14.00).
Тэлефоны для даведак: (8 017) 266 37 37, 293 28 33, 293 27 56.
Е-mail: pr@nlb.by
 |
 |
 |
 |
 |
 |
