20 кастрычніка ў Нацыянальнай бібліятэцы Беларусі прайшоў рэспубліканскі семінар «Аўтарскае права ў сучасных умовах: практыка і рэгуляванне».
Арганізатары семінара: Міністэрства культуры Рэспублікі Беларусь, Савет бібліятэк Беларусі па інфармацыйным узаемадзеянні, Нацыянальная бібліятэка Беларусі, Нацыянальны цэнтр інтэлектуальнай уласнасці, Сусветная арганізацыя інтэлектуальнай уласнасці, Міжнародная федэрацыя арганізацый па правах на капіраванне.
У рабоце семінара бралі ўдзел прадстаўнікі вышэйназваных арганізацый і ўстаноў, прадстаўнікі парламента Рэспублікі Беларусь, рэспубліканскіх і абласных бібліятэк, бібліятэк ВНУ, спецыялісты ў галіне аўтарскага права.
З дакладамі на семінары выступілі:
- Тлеўлесава Саўле, Сусветная арганізацыя інтэлектуальнай уласнасці (WIPO), Жэнева;
- Фічар Міхал, старшыня Альянсу ў галіне аўтарскага права краін Цэнтральнай і Усходняй Еўропы (СЕЕСА);
- Варанецкая Аксана, Нацыянальная бібліятэка Беларусі;
- Бічурын Аляксей, Нацыянальны цэнтр інтэлектуальнай уласнасці;
- Баніянітэ Эмілія, Еўрапейскае бюро Асацыяцыі бібліятэк, (EBLIDA);
- Рыбакур Інгрыд, Міжнародная федэрацыя арганізацый па правах на капіраванне (IFRO).
Падчас семінара пры ўдзеле вядучых айчынных і замежных экспертаў разгледжаны найбольш актуальныя пытанні практычнай рэалізацыі і абароны аўтарскіх праў у Рэспубліцы Беларусь: выкарыстанне твораў у сферы культуры, тэлерадыёвяшчання, бібліятэчнай дзейнасці і іншых сацыяльна значных галінах з прымяненнем сучасных камунікацыйных тэхналогій; прыкладныя аспекты рэалізацыі абмежаванняў і выключэнняў з аўтарскіх праў з улікам лепшага сусветнага вопыту, тэндэнцый у развіцці нацыянальнага прававога рэгулявання, праваўжывальнай практыкі. Істотная ўвага нададзена развіццю ў Беларусі механізмаў калектыўнага кіравання маёмаснымі правамі аўтараў, выканаўцаў і іншых уладальнікаў аўтарскіх і сумежных праў.
 |
 |
 |
