23 сакавіка Нацыянальная бібліятэка ўзяла ўдзел у Адзіным дні адчыненых дзвярэй, арганізаваным у рамках агульнарэспубліканскай акцыі “Я выбіраю прафесію” ў Мінскім дзяржаўным лінгвістычным універсітэце.
Будучыя абітурыенты атрымалі інфармацыю пра спецыфіку работы ў Нацыянальнай бібліятэцы, суправаджэнне маладых спецыялістаў у перыяд іх прафесійнай адаптацыі, кар’ерныя магчымасці і ўмовы працы, перспектывы рэалізацыі здольнасцей і талентаў. Ім быў акрэслены спектр кампетэнцый неабходны для працы ў галоўнай скарбніцы ведаў краіны.
Адзіны дзень адчыненых дзвярэй дазволіў наглядна прадэманстраваць будучым студэнтам усе магчымасці і перавагі працы ў Нацыянальнай бібліятэцы Беларусі. Гэта зацікавіла маладых людзей і іх бацькоў.
Дзякуем Мінскаму дзяржаўнаму лінгвістычнаму ўніверсітэту за запрашэнне і спадзяемся на далейшае супрацоўніцтва.
Матэрыял пададзены аддзелам даведачна-інфармацыйнага абслугоўвання.