26 мая ў бібліятэцы адбылася прэзентацыя электронных інфармацыйных рэсурсаў ProQuest для прадстаўнікоў медыцынскай сферы нашай краіны: устаноў аховы здароўя, медыцынскіх універсітэтаў і каледжаў, Рэспубліканскай навуковай медыцынскай бібліятэкі.
Удзельнікі пазнаёміліся са структурай кантэнту і функцыянальнымі перавагамі выкарыстання платформы ProQuest у інфармацыйным забеспячэнні навукова-даследчай, адукацыйнай і практычнай дзейнасці ў сферы медыцыны. Айчынным вучоным быў прадстаўлены алгарытм размяшчэння на платформе вынікаў уласных навуковых распрацовак.
Спікерамі семінара выступілі кіраўнік рэгіянальных праектаў кампаніі ProQuest Ганна Трыфанава і сертыфікаваны трэнер ProQuest Аляксандр Ліпенскі.
Віртуальная чытальная зала Нацыянальнай бібліятэкі Беларусі адкрыта для супрацоўніцтва з рознымі арганізацыямі нашай краіны па пытаннях падпіскі на ліцэнзійныя базы даных, навучання працы з імі, а таксама папулярызацыі электронных інфармацыйных рэсурсаў, якія генерыруюцца бібліятэкамі Беларусі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
