24 кастрычніка ў бібліятэцы прайшоў творчы вечар, прысвечаны 70-годдзю Фёдара Баравога.
Сёння ўсе ведаюць юбіляра як паэта, члена Саюза пісьменнікаў Беларусі і Саюза пісьменнікаў Расіі. Выканаўцамі песень на яго вершы сталі Руслан Аляхно, Іна Афанасьева, Віктар Вуячыч, Алег Сямёнаў, Ірына Сапунова і іншыя таленавітыя артысты.
Аднак не ўсім вядома, што Фёдар Іванавіч па адукацыі інжынер і за сваё жыццё паспеў змяніць некалькі спецыяльнасцей: ад грузчыка, слесара, брыгадзіра да кіраўніка розных структурных падраздзяленняў у транспартнай сетцы, нават стаў бізнесменам. Аднак лёс не даў загінуць таленту – Фёдар Іванавіч пачаў пісаць.
Да круглай даты ў Нацыянальнай бібліятэцы сабраліся блізкія, сябры, калегі юбіляра, сярод якіх вядомыя дзеячы мастацтва, пісьменнікі, кампазітары. У канферэнц-зале прагучалі вершы і песні аўтарства Фёдара Баравога і іншыя творчыя нумары.
Матэрыял прадастаўлены аддзелам сувязей з грамадскасцю.