30 чэрвеня, напярэдадні Дня Незалежнасці Рэспублікі Беларусь, на экскурсію ў Нацыянальную бібліятэку прыехалі ўдзельнікі 1-га ваенна-палявога збору ваенна-патрыятычных клубаў унутраных войскаў Міністэрства ўнутраных спраў.
Узрост выхаванцаў ваенна-патрыятычных клубаў – ад 14 да 17 гадоў (9–10 класы дзяржаўных устаноў адукацыі). Асноўнай задачай ваенна-палявога збору з’яўляецца выхаванне армейскай і грамадзянскай моладзі, прапаганда гістарычнай спадчыны беларускага народа.
Экскурсанты змаглі агледзець будынак бібліятэкі, пазнаёміцца з экспазіцыяй музея кнігі, задаць пытанні аб бібліятэцы і яе гісторыі, знайсці ў электронным каталогу свае любімыя кнігі.
Скончылася экскурсія на агляднай пляцоўцы, дзе кожны змог палюбавацца горадам з вышыні птушынага палёту.
Матэрыял пададзены аддзелам экскурсійна-метадычнай работы.