9 красавіка запрашаем прыняць удзел у пасяджэнні круглага стала “Францыск Скарына і Прымаж Трубар – славянскія першадрукары”.
Арганізатарамі мерапрыемства з’яўляюцца Нацыянальная бібліятэка Беларусі, Беларускі дзяржаўны ўніверсітэт і Цюбінгенскі ўніверсітэт Эберхарда і Карла (зямля Бадэн-Вюртэмберг, Германія).
Пасяджэнне прысвечана выбітным гістарычным дзеячам Беларусі і Славеніі – Францыску Скарыне і Прымажу Трубару, а таксма беларуска-славенска-нямецкім культурным узаемасувязям.
У рабоце круглага стала прымуць удзел даследчыкі з Беларусі і Германіі. Ганаровымі ўдзельнікамі мерапрыемства будуць прафесар, доктар Антон Шындлінг (Anton Schindling) і прафесар, доктар Элен Відэр (Ellen Widder) з факультэта філасофіі Цюбінгенскага ўніверсітэта Эберхарда і Карла.
Францыск Скарына і Прымаж Трубар з’яўляюцца аднымі з заснавальнікаў нацыянальных культур, якія захавалі і развілі беларускую і славенскую мовы. Вяршыняй іх дзейнасці стала заснаванне нацыянальнага кнігадрукавання. У друкаванай кнізе яны бачылі невычарпальныя магчымасці духоўнай асветы народаў, выхавання высокіх хрысціянскіх, маральных і грамадзянскіх якасцей, развівалі традыцыі нямецкіх першадрукароў.
Круглы стол пройдзе ў зале адукацыйных тэхналогій (3-ці паверх, пам. 346) Нацыянальнай бібліятэкі Беларусі 9 красавіка 2015 г. а 12-й гадзіне.
Кантактны тэлефон: (8 017) 293 27 82.