27 мая ў бібліятэцы адбудзецца прэзентацыя кнігі Вячкі Целеша “Гарады Беларусі на старых паштоўках”.
Кніга, напісаная на беларускай і англійскай мовах, пабачыла свет у 2014 годзе ў выдавецтве “Беларусь”.
У кнізе-альбоме змешчаны найбольш цікавыя паштоўкі як з калекцыі аўтара, так і з фондаў розных музеяў, бібліятэк, а таксама прыватных збораў. Многія з іх ніколі не публікаваліся.
Выданне дапаможа чытачу акунуцца ў гісторыю, успомніць мінулае, найбольш поўна раскажа пра архітэктуру гарадоў Беларусі на пачатку ХХ стагоддзя, майстэрства мураванай кладкі і драўлянае дойлідства продкаў.
Кніга “Гарады Беларусі на старых паштоўках” прызначана ўсім аматарам гісторыі і фотамастацтва.
Прэзентацыя пачнецца а 15-й гадзіне ў галерэі “Лабірынт” (3-ці паверх).
Тэлефон для даведак: (8 017) 293 27 56.
Е-mail: pr@nlb.by
